;;;;;; ابوذيات ;;;;;;;

[عراقيه حلوه]

انا اسمي الوتد بالكاع دكيت
ولا دكت الناقص بالناس دكيت
بعدني ما طحت وانت بطبل دكيت
بعد شد وصله واركص عليه
---------------------
ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ماوصلناله لا .. بسنه
تزعل ليش يمدلل عليــــه؟

تظل صاحب فضل وشكبر فضلاك
وخلكي ما فضه الغيرك وفضلاك
اميزك عل خلگ كله وفضلاك
وبسمك احترز صبح ومسيه

عليك الليل كله انه ونه
ومعاك العتب هسه ان اوانه
اتهدد بالنفاها انه .. وانه
وينك مو طبك دهر العليه

غرامك اثر بالعشك وداره..
هجرت الي تعب وياك وداره..
سمعت بقيس عاف اهله وداره..؟
حملت الضيم وهمومك سويه

منو مثلي تعب لجلك وداراك ؟
جهنم لجلك اتحمل و(داراك)
عسا من غيرك يسمر وداراك
ابسكم لا للحيا ولا للمنيه

يكلبي غّرك الشيطان ولهاك
وخلّاك برحى الحسبات ولهاك
مشه عنك زمان الاخذ والهاك
اجه وكت اشبقه عندك اليه

قضية اسمك على اسمك ماشخطنة
ازدحام احنة على دربك وماشي خطنة
شتضن من كد حلاتك ماشخطنة
اليشوفك ينشخط مية بالمية

حبيبي شرد اسولفلك...ولكدر
والهموم مبن ماعاين...ولكدر
الي جان وكتي ...ولكدر
وصرت انته والوكت عليه

نوبه حلوات الليالي نوبه...مرات
وحبيبة الروح علي ما...مرات
مو مره الخنتي يحبيبه...مرات
تخونين وتصح بيه الاذيه

تريد الناس اسولف وانسه كل بلواي
وخانكني الدمع ما اكدر أحجي
لأن حته الحزن من شافني بهالحال
لبس اسود علية وكام يبجي

يومية الصبح اسمع خبر مو زين
ويوميــــــة العصر اسمع فجيعة
عراق وكلك اســود حتة الاخبار
الابيض بيك بـــس وجه المذيعة

اذا كلمةاحبك تهوه بيهة الناس
اسمحلي احبك واني مجنونك
واذا كَـلب المحب يرتجف هذا احساس
اني ارتجف كلي بشوفة عيونك

اذا كلمةاحبك تهوه بيهة الناس
اسمحلي احبك واني مجنونك
واذا كَـلب المحب يرتجف هذا احساس
اني ارتجف كلي بشوفة عيونك

حبيبي العيد بعيونك والخدود
وإذا تضحك شفافك ينچفي العيد..
أريد أشرب شعر من هاي الشفاف
وأصيح الله عليك.... وشفتك تعيد

حقي مـــن اختصـــر وياك بالشوف
مـــو سهلة القضيـة وحيـــل خطرة
ضامي وخاف اخلصك من اگرب ليك
لذلك گمــت اشوفــــك گطرة گطرة

مسجون الصدگ يا ناس تدرون
وخذوا كل چذب طلقوا سراحه
للتعبان گالوا تبقه تعبان
والمرتاح يحتاج استراحه

احدث المواضيع:

• دآآرميـــآآت ~
• مـ,ـكـ,ـتـ,ـبـ,ـة آبـ,ـۅذيـ,ـآتـ,ـ آلـ,ـشـ,ـآعـ,ـر آلـ,ـمـ,ـبـ,ـدعـ,ـ ضيـ,ـآء آلـ,ـمـ,ـيـ,ـآلـ,ـيـ,ـ ..^
• سجل حضورك بأبوذية
• ابوذية كولش حلوة واحبهة
• ابــــــوذيـــات
• ابوذيااات حب وعتاب
• ابوذيات و دارميات منوعة
• مجموعة ابوذيات للشاعر المرحوم عبد الحسين الحفلي
• الاب والابن
• ابوذيات ودارمي

[حمكي]

لو ردت الحبيب اتشوفه ينشــــــاف
وطيبلك جرح بضــــــــماده ينشـاف
اخبرك بل حبيب اشلون ينشـــــــاف
بس ضيف الاميل وهاي هيــــه
هههههههههههه
كلش حلوات ورده صح السانج
نتضر كلشي منج حلو
تحياتي الج

[sυρєянυмαη]

يسلموووووووووو ورد
وانخمطت وحده راحت للستيتس مال ايميل هع هع هع
تحياتي

[سفير البصرة]

يسلمو ورده .........
عاشــــت الايــــــادي........

[دمعة ألم]

حلو وردة
عاشت ايدج عيوني

[نبض عراقية]

عاشت ايديج ابوذيات جميلة وردة مشكورة