تكَلي اصبر...للحب.

[مـوتـي ولا مـوـت أحسـاسـي]

((تكَلي اصبر))

ويكَلي اصبر!!

وتصيح الناس

كلها اصبر!!

بعد شصبر؟؟

ماظل حيل حتى اصبر!

خلص عمري

صواني شموع بس انذر!

ولاهزك بجاها العين

بخدودي الدمع اثر؟

ولاساعة الكَلت عيناك

وتخلي الكَلب ينسر؟

ولامرة تجي ملهوف

وتكَلي حبيبي آآمر؟

ناسيني ولاعالبال

جلمة وضاعت أبدفتر!

وتكَلي اصبر؟؟

شلون اصبر؟؟

يبن الناس هاك انظر!

امشي بنومي نص الليل

يم بابك وأظل انطر!

وإذا تكَول الصبر ينباع

جا هلبت عليّ بعته؟

ولو كَتلي الصبر ينباَك؟

وحَك عيناك جا بكَتة!

شيفيد الصبر للطير

والشبجة على جناحه؟

صبرت وياك صبر أيوب

وتكَلي الصبر راحة!!

وتريد اصبر؟؟

يشاتلني بظهاري الكَيض

يالغيمك فلا يمطر!

انهّ العطشان كَلبي أعليك

وبجفك سكَيتة المر!

انهّ الفاضحني دمع العين

حرت شلون بي استر!

موطال الصبر جمدوب؟

هاك اجفوفي بيها أشبر!

بعد شصبر؟؟

وانهّ الكَضيت عمري وياك

بس اصبر!!

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[حمكي]

عاشت ايدج ورده
كلمات رائعه
نتضر كلشي منج حلو
تحياتي الج

[ورد البنفسج]

روعـــــــــــــــــه
كولش حلو
عاشت الايادي ورده
تحياتي

[مـوتـي ولا مـوـت أحسـاسـي]

هذا بس من ذوقكم حبايب.

[L•َِOَِ•Y•َِUَِ•S]

ذوووووووووووووووووووووووووق
عاشت ايدج كوكو
كلمات روعه

[مـوتـي ولا مـوـت أحسـاسـي]

انته الذوق كله يا عيون كوكو
منووور .

[أنـ..ــفآس رَجٌــل]

الله الله كرملا
يخبل و الله
تحياتي

[مـوتـي ولا مـوـت أحسـاسـي]

انته تخبل عيوووني
مشكووور عالمرور .

[nosnos]

عاشت ايدج وردة
تحياتي الج

[مـوتـي ولا مـوـت أحسـاسـي]

ايدج العايشه عيوووني.