وصلتني اخبارك

الملف الشخصي · 2010-07-02, 12:31 PM

وصلتني أخبارك ..

تسأل عليه اشلونك !

شنهو تتوقع حبيبي ..

شلونه حالي بدونك ؟!

انته كَلي ..

اشلونه حال الكَاع .. لو شح المُطر؟

اشلونه حال الليل .. لو غاب الكَمر؟

اشلونه حال الجُرُف .. لو جف النهر؟

اشلونه حال العين .. لو راح النظر؟

هذا حالي و آنه من دونك يـ غالي ..

و هسه كَلي ..

( اشلونك انته؟

و منهو غيرك .. عنّه أنشِد ؟

انته صمام الكَلب .. و انته النبض ..

و أبكَه ضايع .. حين تِبعِد ..

يا وفي بوكت الذي قل الوفه ..

و شوفتك .. رغم الليالي السُود .. تِسعِد .. )

اشلونك انته ؟

يا حبيبي الغرّبت عن عيني شمسه ..

اشلونك انته ؟

يا عــزيــز الـ ما يرخص يوم نفسه ..

( اشلونك ؟ .. اشلونه الوكت وياك كَلي .. ؟ )

آنه ساعاتي بغيابك .. حيل نحسه..

شلونك انته ؟

آنه ذبّاني الزمن مو خوش ذبّة ..

و سكّت أيامي و صُفت أيامي خرسة !!

غيّرت طبعي الليالي ..

و لو تجي و تلكَاني هسه ..

تنصدم .. مو ذاكَ آنه !

صاحب الضحكه الـ أبد ما يعلهحِسّه !!

اهواي أخذ مني غيابك ..

كَلبي بغيابك غدت أطباعه شرسة ..

و المحبة يا ( حبيبي ) عُملة صعبه ..

حكَنه نقسه !!

و أصبح النسيان عاده ..

حته أعز الناس .. ينسه؟؟؟ !!!

كلشي بغيابك تغيّر ..

جنها غير الشمس .. غير الماي ..

غير اللون الاسمر !!

كلشي بغيابك تغيّر ..

فرحي يزغر .. كَلبي يزغر ..

بس حزن دلاّلي يل محبوب ..

كل يوميه يكبر !!

كلشي بغيابك تغيّر ..

و آنه ما أملك حبيبي ..

بس أكَول .. اللـه أكــبر !!

بس أكَول .. اللــه أكــبر ..

احدث المواضيع:

**ميما الحلوه** · 2010-07-02, 12:39 PM

كلشي بغيابك تغيّر ..

و آنه ما أملك حبيبي ..

بس أكَول .. اللـه أكــبر !!

روووووووووووعه
كلش حلوووو
يسلمووو حياتو
تحياتي

**L•َِOَِ•Y•َِUَِ•S** · 2010-07-02, 12:40 PM

الله اكبر
عاشت ايدج ورده
كلمات روعه

الملف الشخصي · 2010-07-02, 12:42 PM

تسلمون على ردودكم الحلوة مثلكم
منوووورين حبايب

**AbO RiShA** · 2010-07-02, 02:49 PM

اشلونك انته ؟

يا عــزيــز الـ ما يرخص يوم نفسه ..

( اشلونك ؟ .. اشلونه الوكت وياك كَلي .. ؟ )

آنه ساعاتي بغيابك .. حيل نحسه..

شلونك انته ؟

آنه ذبّاني الزمن مو خوش ذبّة ..

و سكّت أيامي و صُفت أيامي خرسة !!

الف شكر روعه
كلمات بغاية الرووعه
تحياتي