عالحب گتلك البي تضحية يعيش

[مـوتـي ولا مـوـت أحسـاسـي]

عالحب گتلك البي تضحية يعيش
خذت رايي وسمعته وبية ضحيت


وشفت حفل افتتاح جروحي للناس
وشفتك من بعيد بروحي گصيت


طرت ﭽن دمعة وبجنحينها رموش
وعلى شجرة ضحكتك سكته حطيت

خيل ظنوني طلعت خيل عرجاء
وانا مراهن عليها تفوز ظنيت


من شفتك اطش سنيني واللة لأن بيهن حلا حسبالي ﭽكليت
غشيم وگلت ماساوي اليلمون
عزت نفسي ما خلتني لميت

انا بالا وعي
من اطيتك الروح
وعقل ماﭽان عندي وهسة فزيت


ماﭽذب واگلك باﭽر انساك
عفتني وذكريات هواية خليت


اذا كل حايط البي اسمك يطيح
على هالحالة لازم نهدم البيت

بأخير ايام عشت بروحك هواي
ديرة شايلين ووحشة حسيت

ظلمة وريح بيها وصوت بيبان
وردت اطلع ولكن ما اندليت

انا الباني السفينة ومو مثل نوح
صعدتك وبالطوفان ظليت

وﭽبت عشب الخلود اطيتك اياة
وگلت احمل الفشلة وخالي رديت


بحرگتي وخفت تدريجيآ اشتاق
وخفت ردود قلبي يگلي حنيت

من دمعتي لحجيك وكت الوداع
خط وهمي بوكتها ﺒﭽفي جريت

طلاسم نظرتك فكتها الاعذار
وبعيونك شگد الغاز حليت


ﭽنت ﺘﺤﭽيلي وايدي تهدم احلام
وبمعول دمعتي بقوة دگيت


بحيث من انتهيت من المواضيع
ذﯾﭺ الساعة ماظل كلشي هديت


فدة من ﯾﻨﭽفي يگولون عالماي
وفدوة شلون اگلك ماتبديت


انا شفتك ثلج بحلوگ شمات
معقولة بحلگهم ما حتريت


ماگتلي الرواية اخرها مبتور
ﭽا بأول مشاهد مانشديت


ولو ادري اليظل ممنوع مرغوب
لارخصت روحي ولا انذليت


انة ابحرت بيك اعناد عالروج
وعلى خصر الشراع وزار شديت


الهوة هذا اليمرني اتخيلك بي
حته التقي وياك منين ماجيت


يعني بمعنى اخر مستحي اﺤﭽية
ترة بس انته غيرك ماشتميت


وحررت اسمك من شفايف الغير
وعلمودك شگد حروب طبيت

وبعدت ذرائع قادر اجتاح
ولكن شبر منك ما أحتليت



اكض الليل بيدي من اوگف وياك
بدليل شگد عليك نجوم طشيت

ﭽنت اگدر اجيك بدون عنوان
وحته ادخل بگلبك لو اضطريت



علي محسوب سر وانته مگيول
وعلى ازغر اعدائك ما انظميت


ما عندك عذر ينگال للناس ؟
يمي ومن ﺤﭽيهم ما افتكيت



لهسة اكل بصبعي الاشرت بي
عليك وبي الف نيشان خليت


مثل حب الارض وية الشمس بي
ﭽنت سطحي بنظرتي وفطرة حبيت


لو ادري الشمس ماتفتر وياي
على روحي بعشرتك ما افتريت


انة عابيت حته عيوني ﺒﭽفاك
بيهن وبنظرهن مااعتزيت


مر يم بيتنا مستطرق وشوف
تلگة اباب بيتي عيون ذبيت


انة ظهري احترف طعنات العزاز
وگمت اعرف اديهم لو اندﭽيت


بلا شوف واگلهم ها منو فلان
بس انته عكسهم ماتسميت


حته انساك لازم ينلغي الليل
اذا بالليل اذكرك ﭽا سويت


واحتار من اظل ابين رائين
اذا عن رأي منهن ما استغنيت


بما انك عفتني بكل الاحوال
ماتفرق نسيتك لو تناسيت.

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[sυρєянυмαη]

رووعهــــ،،
عاشتــ ايدج وردايهـــ،،
تح ــ،،ـــي ـــاتــ ي

[ميما الحلوه]

روعهــــ
عاشت الأيداي
دوم الأبداع
تحياتي

[حمكي]

تسلمين ورده
نتضر كلشي منج حلو
تقبلي مروري

[دمعة ألم]

تسلمين وردة
دوم الابداع
ودي

[مـوتـي ولا مـوـت أحسـاسـي]

منووورين حبايب.

[nosnos]

عاشت ايدج وردة
تحياتي الج

[مـوتـي ولا مـوـت أحسـاسـي]

ايدج العايشه خيتووو.

[عراقيه حلوه]

روعـــــــــــــــــــــــــه

عاشت ايدج حبي
دومج مبدعه
تحيتي

[مـوتـي ولا مـوـت أحسـاسـي]

هذا من ذوقج عيوني منوووره.