موكلتلي بدون عينك مااعيش

**" romantic boy "** · 2010-07-11, 01:29 AM

موكلتلي بدون عينك مااعيش

موكلتلي بدون عينك مااعيش
مو كلتلي بدونك اتعذب وامل

جذبت يعني ونسيت الماضي ذاك
عادي وفراكي طلع عندك سهل

انته مثل النمله واسراري الحلاه
بس ضكتني بسرعه لميت النمل

يل زرعت بكلبي اوراق الهموم
كاعد بنص كلبي تشتلهن شتل

واني بس كتلك عوافي وماشكيت
من شفت همك اكل كلبي اكل

شلون اامن بيك وانسه البييه صار
صدكت ام كلثوم من كالت قبل
(لسه فاكر قلبي يديك الامان
وله فاكر كلمه هتعيد الي كان
وله نظره توصل الشوء بلحنان
لسه فاكر بيك ارجع انشغل)

انت جازيت اليحبك بلدمار
واني مثلك راح اردلك بلمثل

وانت ريحك طفت بروحي الشموع
جاي هسة تريد لجلك اشتعل

انكشف عاكول طبعك وانتهيت
بعد شخصيه ورد لاتنتحل

ولو رجع كلبي يحبك من جديد
يعني كدامك اموته من الكتل

حاولت بس ردت اعدلك مايفيد
لان ذيل اليشبهك ماينعدل

اني استاهل غشيم ومادريت
عفت كل الدنيا وامنت بنذل

اعترفلك بيك حبيت الجمال
واعترفلك فكرت بس بلشكل

مادريت بداخلك واحد حقير
للجذب بأي لحظة ممكن يرتجل

حبلك التف اعله ركبه كلبي حيل
وك شنقني وانت دمعك مايهل

حتى كلبك منكسر تضحك بقيت
ومن بجيت اني انكسر كلب الحبل

طفل جان الشوك ربيته بهواك
ليش بيدك موتت اجمل طفل

جسمي كاع وحبك اشجار وجذور
وكل جذورك شالهه بعقله العقل

راح اشيله العقلي واقبل بلجنون
المهم جذرك اقلعه من الاصل