يالمفخور خصرك بي اتباهي الناس

[nosnos]

يالمفخور خصرك بي اتباهي الناس
نسيت آنه الفخرته ابحر براكيني

اهمس جوه اذنك بين اديه اتذوب
اوتصرخ من المك بعد بديني

مشت بيك الشفايف مشية السكران
اوشاماتك صحت هيه التدليني

اسد باب العقل من اندمج وياك
وافتح باب اطلّع كل سواديني

چنت تغفه اعلى صدري اوتستلذ بالنوم
اوشعرك چان مدمن مشط چفيني

وذا صابك مرض اتمنه بيه ايصير
واتقصد احضنك حتى تعديني

شتلتك عود يابس شارد امن النار
اويوم الخضّرت تنكر فضل طيني

عفت گاعي غفل خط رجعه ماخليت
اوسكنت ابمزهريه من خزف صيني

ورداتك وحيده امگابله الشباك
تحلم بالندى اوتتذكراسنيني

اسنين الچنت اذبحك بس چنت ترتاح
اومن تنزف وراهه اتبوس سچيني

وازاك الخريف اتريد هسه اتعود
ماترهم بعد لو ترهم ابعيني

لان بيه طبع ماالتفت عالراح
عاشرتك زمن تعرف قوانيني

بس ايجوز اسامح گلبي بالساعات
لتگلي ا شوكت من الله يهديني

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[" romantic boy "]

عاشت ايدج ورده
قصيده في قمة الروعه
تحياتي

[soft moon]

الله تخبل عاشت ايدج يامبدعه

[lovely lady]

ابداااااااااااااااع سلمت ايدج وردة
تقبلي مروري البسيط
تحيتي و ودي

[nosnos]

يدللو منورين
تحياتي الكم

[اسير الروح]

يسلمووووو
قصيده
في غايه الروعه
عاشت ايدج
تحياتي

[nosnos]

يدللو وردة منور
تحياتي الك

[L•َِOَِ•Y•َِUَِ•S]

الله الله روعه
عاشت ايدج ورده