قصيدة تحشيشة لعيون الشباب.........

[ابو طويلة]

طالبات الجامعه


عيش وشوف بهالزمن هواي تغييــرات

شحچيلك عن الجرى وعيوني تدمــع

شوف حالي ياخي وحال هالبنـــوات

وخلي الحكم يمك اطرح واجمــــع

يگعدوني من الصبح بالهوســه والدفرات

وتگعد هي تتبختر تروح تتصنــــع

اجي اني من الصبح بزحمة الباصـــات

وتجي هي بخصوصي تذبها وتطلـــع

واحنا فوگ الوگفه ندفع الميــــات

والهانم ويه ابوها وفلس ما تدفـــــع

مثل تكسي مصر قمصانه والستـــرات

واذا نخالف الزي من الدرس نطلــــع

حت بالمطر ما تنوشهن القطـــــرات

وانت من راسك الى اساسك منگــــع

برهدنه تمشي ميهمها الوكت لو فـــات

والطالب يهرول اسرع واســـــرع

لان يعرف اذا تأخر ولو لحظـــــات

يغيبه الاستاذ والعذر ما ينفــــــع

وهي تدخل من دون اعتــــــذارات

وبليا ما تحچي يسكت ويقنــــــع

واذا صار امتحان اوراقهن عشــــرات

واحنا اوراقنا دوم الصفر يرگــــــع

لا تصدگ ابد انهن ذكيـــــــات

بس تدري الجمال بهالامر يشفـــــع

ولو رادن يكبلن ويبنن علاقـــــات

يختارن الكيكي اليصرف ويدفـــــع

تاخذه للنادي كل يوم وبودها لو تبــات

ومن اكل الفلافل ابد ما تبـــــزع

يظل ينگل عصير وبسكت ولفــــات

وبروس الزواج تاكل وما تشبــــع

ومن توصل الحاله لادنى تلميحــــات

ويقنع بنفسه يريد يتشجـــــــع

ويرتب كلامه بأحلى العبــــــارات

ويگلها بغرامچ الگلب مولــــــع

انا بحبچ ساهر احسب النجمـــــات

واقلب الفكر ما اريد الصبح يطلـــع

من گلها احبچ گالتله وسفــــــات

حسبتك مثل اخويه ما چنت اتوقـــع

وما حسبالي تبدر منك هالتفاهــــات

غرام وحب وغزل ما ينفـــــــع

ولك هذا وكتنا كلـــــه دولارات

والخير البينا اليجمع ويجمـــــــع

طلع باني اساسه عالرمل هيهـــــات

شيفيد الندم والراح ما يرجـــــــع

چا شلك ياخي أتجر بالحســــــرات

لو صاير بنت مو احسن وانفــــــع

شباب لا تحرموني من ردودكم

احدث المواضيع:

• تريد ان تكون سعيدا؟؟تزوج من امراة سمينة
• نصائح حول العناية بشعر الشباب
• طـريــــــق اناقتـــــكـ
• انــْـْـْتْ عـْـْـْريــٍـْسْـٍـْنا ٍالْيــٍــْومْ
• أسوأ هدايا يقدمها الرجل للمرأة
• تلبيس الشباب على أذوآق الصبايا
• مـــن هــو آدم !!؟
• انواع الشباب ~
• >> عجائب الرجال <<
• الجاذبيهـ الرجوليهـ بعيون الانثى ..!!

[SuN_BaGhDaD]

هههههههههههههههه

شكراا صديقي ع القصيده التحشيشيه
تقبل مروري

[ابو طويلة]

تدلل حبيقي

شكرا على مروك

تحياتي

احمد الطويل

[™°ˆ*¤§X§¶DIesEL¶§X§¤*ˆ°™]

عاشت الايادي
.......
تحياتي

[™°ˆ*¤§X§¶DIesEL¶§X§¤*ˆ°™]

عاشت الايادي
.......
تحياتي

[ابو طويلة]

وايديكم العايشة

شكرا عالمرور

تحياتي

احمد الطويل

[hydar3005]

حياك يسلم الحلك الي نكط ورد ومكال الا الصدك
بس تدري شنو العلا قه بين البنيه والكلاشنكوف
اثنينهم يكتلن الشاب . بس شنشوي منكدر نعيش وياهن ومنكدر انعيش بلاياهن . الله يساعدك ادم
التوقيع . واحد مضروب بوري جديد .

[•كہاتہم الاـح°زانہ•]

هههههههههههه
عاشت الايادي روعة

تحياتي

[دمعة ألم]

هههههههههههههههههههههههههههههه
حلو التحشيش عاشت ايدك
ننتظر جديدك
تحياتي