(((رصعات خدك))) اهداء خاص ل سوفت مـــون و ورد البنفسج ( عمره خساره الي ميقراه)

[عراقيه حلوه]

(((رصعات خدك)))

گلولك نسيتك تعقل شلون!
وهذا الگالك كل عقله ناسيك؟!


ولك حته القصايد صارن وياك
أكتب عالعراق وتطلع عليك....


ردت أنساك حته بنومي أرتاح
وأغمض جفني ويمرن طواريك..


وتمر يم باب عيني وتحچي الدموع
وتمر يم باب جرحي وينخبص بيك...


وتخضر تايه بلون المحطات
ويتانيك القطار ومايتانيك..


واشوفك سيف ماتندل الجروح
وتكسر خاطري وبجروحي أدليك.....


أريدك كبر گاعي تخضر جفوف
وكبر غيض الملح تضحك مساحيك


وتخليني أعله بالك حته لو طيف
وآنه عله الجرح من يغفه اخليك....


أنهجم بيتك شگد شايل حضارات!!
حمورابي أنحنه بكبره عله رجليك...


حقه يدوخ بيك ويصفن وياك
سر بعيونك يدوخ اليحاچيك


وتسودن بيك راد يضمك شلون!!
ياقانون يادنيه التكفيك!!...


يضمك بالمسله تشوفك الناس
يطلعك للشمس ويرد يغطيك......


گبل عقّال كلهه الدنيه والناس
بس مريت بيهه تسودنت بيك...


واجتّك كلهه تركض حته الزغار
نار گلوبهم جابتهم عليك


نفط بخدودك وگلب الشعب نار
حقل مجنون وتشب شيطفيك.......


ونخلة برحي طولك والشعر ليل
كلما تغفه يهتز ويوعيك.....


هلال العيد فوگ الحاجب يصير
بس ترفع الگذله نعيد عليك....


وفرات ودجله بعيونك يصلون
حلاه وملوحه ربك كلشي منطيك...


على رصعات خدك ينچفي الماي
وعلى گرمة علي الوادم تتانيك

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[soft moon]

الله والله والله
وربي
يجنن
عاشت ايدج
يخبببببببببببل
وشكرا حب ع الاهداء
تحياتي

[عراقيه حلوه]

ولــــــــــــــــــــــــــو تدللين كبد
منوره وربي

[دمعة ألم]

تسلمين وردة على الشعر الرائع
ودي

[HamaDa]

كلش حلوو
تسلمين عيوني عاشت ايدج
دوم الابداع

[" romantic boy "]

كلش حلووو
عاشت ايدج ورده
تحياتي

[عراقيه حلوه]

منورين عيوني
......................

[CoOoL G!rL]

كلش كلش حلوة
تسلمين وردة
عاشت ايدج
تحياتي الج

[عراقيه حلوه]

منوره حبي
....................

[شمس الحب]

حلوووووووووووو
عاشت ايدج حبي
روعه بمعنى الكلمة
تقبلي مروري عزيزتي