موبيدي العشك

**دمعة ألم** · 2010-08-03, 05:38 PM

مو بيدي .. العشگ يسري بحنايا الروح و من شفتك حبيب الروح سميتك

حسيتك قريب و اغلى كل الناس و لا چنك حبيب و يوميه اطب بيتك

...
و مو سكته و دفن حبيتك و خجلان كل الناس تدري بيوم حبيتك

بس تبقى لغز ما تنكشف للغيري روحي بروح روح الروح ضميتك

ضميتك و اغار من الهوا يحاچيك و من گد ما غرت ما يوم حاچيتك

يا نسمة هوا شمدريني راح اهواك گلت مثل مثل الهوا و ما ادرري .. شميتك

من ذاك الوكت ما غبت عن البال الگلب بسمك تسجل و انحسب بيتك

يا نبعة ورد ما بيك نتفة شوك ناعم يزهي لونك و العطر صيتك

فصلت البشر سويتهم تمثال و انت الروح بالتمثال خليتك

حجر كل البشر بس گامو يحنون قطرة نطيتهم من بحر حنيتك

يا نهر العشگ يا سلم الافراح عطشان و حزين و واگع و جيتك

رايد كلمه منك مو كلام هواي و اذا انت تريد الروح لبيتك

بس كلمة احبك كافي عاد ارجوك حت لو بالچذب بس گول حبيتك

احدث المواضيع:

**جلنار** · 2010-08-03, 07:41 PM

تسلمين ياورده
عاشت ايدج
تحياتي

**دمعة ألم** · 2010-08-03, 07:42 PM

ايدج العايشة وردة
منورة

**AbO RiShA** · 2010-08-04, 05:52 PM

دمعة الم
أحياناً يصعب علي أن الملم الكلمات
واجمع الأحرف وأنسق العبارات
وأرص الجمل لأبعثها إلى إنسانه
تملك جمالا روحياً ونَََفََساً عطرياً
وقلبا ندياً ولسان يقطر شهداً
لأنني مهما جمعت من الحروف
ونظمت من الكلمات لن أصل
إلى نعومة قلمها وأصالة حرفها
وعذوبة نبعها

دمعه
أنت من قدمت لي كأس الشهد
بجمال الحضور ونثرت الورود
مع أجمل الحروف في صفحاتك المشرقه
فسجلت تواجدك في القلوب
ووضعت بصمتك على المشاعر
حتى أني أرى كلماتك تضيء
كالقناديل المرصعة باللآليء
سيدتي
بوحك عطر فلا تحرمينا من رائحته
التي تبعث في أرواحنا السعادة والسرور
لك مني كل الشكر والتقدير والاحترام
دمت بحفظ الرحمن