صحيح الليل بعدك اطول من الليل

[nosnos]

صحيح الليل بعدك اطول من الليل
بس يخلص غصب لحظه بأثر لحظه
صحيح اتمرضت وبيه ماضل حيل
بس عادي المرض كل احنه نتمرضه
قانون العشك ماوكف بس اعليك
ودستور العشك مو انته التفرضه
انساك اي نعم واتحده نفسي و انساك
من اليوم اعوفك ارضى ما ارضى
رفعتك للكَمر بيديه هاي وهاي
ومن كَليبي صاحك طيحت حضه
جنت اللكمه لك اقسمه انه وياك
واسجل روحي لك واخذهه بالقرضه
والصم كل حلك بالشر ذكر طرواك
واصون اسمك جنت واتفاخر بحفظه
اتوضه بضحكتك من اشوفك جاي
وانته شكد صلف بدموعي تتوضه
مثل بلبل حسبتك واني شجرة تين
واحسك بيه تاكل ضلعي اترضه
لكيتك تنتشر بجروحي ويه الروح
واغصاني التحبك ...ماتت بلحضه
واباوع كَلبي ينزف يصرخ بلاصوت
ومعضوض اعتقد منك الف عضه
اكلت هروشي ليش اني شجنيت وياك
اي مو بلبل حسبتك شو صرت أرضه
بعد محد يحبك لا ابد والله
لا .. يمكن اضن بغيري هم تحضه
صياد انت ماهر بالجذب فنان
وكل صياد ماهر للخطر عرضه
اذن باجر بلحضه كبالي هم تنصاد
واسأل من ينقذك من تجي اللحظه

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[lovely lady]

اتخبـــــــــــــــــــــــل
عاشت الايادي وردة
تقبلي مروري البسيط

[CoOoL G!rL]

كلش حلووة
تسلمين وردة عاشت ايدج
دوم الابداع
تحياتي

[L•َِOَِ•Y•َِUَِ•S]

رفعتك للكَمر بيديه هاي وهاي
ومن كَليبي صاحك طيحت حضه
جنت اللكمه لك اقسمه انه وياك
واسجل روحي لك واخذهه بالقرضه
والصم كل حلك بالشر ذكر طرواك
واصون اسمك جنت واتفاخر بحفظه
اتوضه بضحكتك من اشوفك جاي
وانته شكد صلف بدموعي تتوضه


ذووووووووق عاشت ايدج ورده

[مستشار الغرام]

يسلمو ورده
تحياتي

[sυρєянυмαη]

كلششششششششش حلووووو
يسسلمووو
تحياتي