::: عـــذابــك ::

[عراقيه حلوه]

::: عـــذابــك ::


عذابك من مطر وأنه الارض وياك
اوغصباَ عالارض ماي المطر تجرع

صرت لجلك وتر واعزف گلت شتريد
خـنـجـر صرت تـطرب وانـه لتـگطع

يـلمـريـگ اذانـك مـن نـغم فـيـروز
انـا امـريـگ اذانـي ابـطبـت المدفع

مـعـقوله حـديد الـسانك ايـصب ضـيم
سـجاجـيـن ابـكلامـك تـطبـر المـسمـع

بسـك شـوف صـدري الدم صبح شلال
اومـن كبـر الجرح من عنده گمت اطلع

اومـن اتـرخصت حسـبالي راح اتروح
شـلعت الگلب بيـدك جـي گلت غـالـي

جـان ابلـون گلبـك شعـري اسـود شاب
صـبغته اخيـالي شـيب شصـبغ خـيالي

مو گلـشي التـرف كتـلك تـعب مـريـود
تـره الشـيطان گـلبـلك يـامـا غـنـالي

صرت سباح بعدك وانت صرت اورود
وانـت التـنـگطع وآنـه ابـقـى للتـالـي

اسـاس انـي واشـد گـد ماغميجه الگاع
اوريـشه انـت اشمتعله النسمتك تخضع

التـمر لتـشوفه عـالـي الفـضل للسـبـاح
لـذلك عـالـجـذع تـالـي السـعـف يـركع

فزعت اويه الشماته اوسهله عندك هاي
بـس صـعبـه الشـمـاته ابيوم الك تفزع

لـتـغـريني بـحنانك ونـت جسـمـك نـاب
اذا امـنـت لــحـمـي ويـاك يــتــگـطــع

ريـل اشـواگ امـرك وانـتـه لـتـماديـت
من فـاتـك تـصيـحـه اتـريـده الك يرجع

لــو يـرجـع زمـانـك ريــلـي مـايـرجـع

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[CoOoL G!rL]

كلش حلوة
تسلمين وردة عاشت ايدج
دومج مبدعة
تحياتي الج

[امبراطور البصرة]

عاشت ايدج وردة ..

كلمات تخبل

ابداع وربي

تحياتي

[مستشار الغرام]

يسلمو ورده
دوم الابداع
ودي

[دمعة ألم]

شعر رائع واحساس جميل
دوم الابداع وردة
ودي

[جلنار]

يسلمو ورده
دوم الابداع
تحياتي

[عراقيه حلوه]

منورين
..............

[وـرـرده فـرنـسـيـه]

يسلممممموووووووووووووووووووووووووو
البي عاشت ايدج

[عراقيه حلوه]

منوره حبي
................