انه الناطق الرسمي لكل الجروح

[مـوتـي ولا مـوـت أحسـاسـي]

عزيزه الروح ليش بهاي الايام؟؟
هيه تراب بس تخاف التراب

وانه اتعمدت اغيرهه الموازين
وكبرت اعله النفاهه بحلك الذياب
ادك روحي على باب المعاناة
مثل بسمار افكّس عينه للباب

ويجي آب الحرك كل البسامير
واحرّكهن سويه الباب وي آب

انه الناطق الرسميلكل الجروح
اسميهن بعد وانطيهن القاب

اكو جرح الصديق وجرح الخوان
واكو جرح الحبيب الهاجر وغاب

واكو جرح الفقر والجوع والعوز
هذني بلايه ذمه يكسرن اركاب

واكو من الترافه وراحة البال
يكول جروح عندي وهو جذاب

انه بدستوري ابد ما عدهن جروح
اذا مو بيهن اشتم ريح عطاب

ونه اتصفح جروحي من يجي الليل
ادور ياهو كاعد يا جرح طاب

لذلك من اريد اجمعهن احروف
قريبا سوف يصدر بيهن كتاب

انه المتحدث آنه بأسم الدموع
مخول احجي عنهن كل الظروف

اكو دمع اتّأسف عنه لو طاح
واكو لو طاح اكولن غير مأسوف

اكو دمعه بمعنى غيرة ارجال
واكو دمعه عكس تتفسر ابخوف

المثل عباس صعبه ينزل دموع
فما نزل دموعه ...نزل جفوف





ابد مو صعبه الرسم بالظلمه صوت
بس صعب ترسم اذان التستمع

الدمع لو طاح ويا ما نطيح
ولو نطيح يطيح ويانه الدمع
ولونطيح يطيح ويانه الدمع.

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[جلنار]

يسلمو ورده
كلش حلوة
دوم الابداع
تحياتي

[مستشار الغرام]

يسلمو ورده
دوم الابداع تقبلي مروري
ودي

[مـوتـي ولا مـوـت أحسـاسـي]

منووورين
______________

[دمعة ألم]

تسلمين وردة على الاحساس الرائع
دمتي بهذا الابداع
ودي

[مـوتـي ولا مـوـت أحسـاسـي]

مشكوووره عالمرور وردة.

[سفير البصرة]

يسلموو ورده عل موضوع

عاشت الايادي

تحياتي...

[مـوتـي ولا مـوـت أحسـاسـي]

يدللووو خيووو وشكرا ع مرورك الحلووو.