يـــــــــا يــــــــوســـــــف زمـــــانــــــــك

[CoOoL G!rL]

عندي خدود عـــــــود وعندك انت خدود
وعندي عيون عـــــــــــــود وعندك انت اعيون
صوره بعيني الك شايلهه صار سنين
ماشالت اختهــــــــــــــــــــــه عيون اليرسمون
مدري شلون تحجي وتمشي مدري شلون
سرك كـــــــــــــــــــــــون اعرفه بياكتر مدفون
شايل خلك ميت حته مـــــــــــــن تختاض
اتشتم بيه واضحك غير تضحك كــــــــــــــــون
تاخذ كلشي مني ومني كلشي تريد
واطيك برضاتي وانـــــــــــــــــــه الك ممنون
ولوكتلك اطيني بوسه كتلي منين
خاف اطيك بوسه واهلـــــــــــــي مايرضون
واهلك فكـــــر عدهم يرفض التقبيل
والاحجــــــــــــــار الكريمة انبوسها ايزعلون
ساهون بحلاتك سحــــــــــر خله الناس
عــــــــــــن وكت الصلاه لمن تمـــــــر ساهون
المثلك لوكعـــــــــــد مايكعد اعله الكاع
لازم على الراس وتكعـــــــــــــــــــــد بماعون
اكبال عيوني جابك ربك وخـــــــــــلاك
وحته اكــــــــــــل بروحي اعليك حطلي سنون
ظل بالبيت فدوه واستر اعله الناس
مصير الناس كلهـــــــــــــــــه بطلعتك مرهون
من تطلع عليك الناس (هيج)تصير
وهـــــــــــــــــــــــــم كلي استقرت دولة القانون
يايوسف زمانك والزمــــــــــــان الراح
والراح بحــــــــــــــــــــــــلاتك ماشفت مزيون
ريج الكــــــــــاع ينشف من تمر زعلان
وتخضر حسافـــــــــــــــــــــه بجف اليزرعون
مثل حسرة زليخه بكلبي حسره اعليك
واكثر مـــــــــــــــن زليخه بكلبي شلت ظنون
عجاف سنين يوسف مـــن اعدهن بيك
سبعه اسنين يوسف وانت سبع قـــــــــــرون
لاهلك رحمة تنزل بيه لـــــــــــو مريت
واهلي بنص جهنـــــــــــــــــــــم لازم يمرون
يحفرون بنهر للمــــــــــــــاي مايدرون
عشر سنين صــــــــــــــــــار بمكبره يحفرون
على متون الشواطي اسمك كتبته تعود
وغير همـــــــــــــــــــوم صدك ماتشيل متون
اليبجون ..شكثر ..كل ظنك ايحبــــون
اليبجون كلهـــــــــــــــــــــــم كبل مايبجون
بس انه وعلي ومن ابجي تدري شلون
عليك بوجهي اصــــــــــــــلا ماتظـل اجفون
كـــــــــــل مجنون ليله اببالك امخليه
مــــــــــــــــــن توكف اببالي مايظل مجنون

الشاعر

سعود الخفاجي

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[جلنار]

عاشت ايدج ورده على الكلمات الحلوة
تحياتي

[HamaDa]

كلش حلو
عاشت ايدج ورده
دوم الابدااع
تحياتي

[CoOoL G!rL]

تدللوون عيوني
منورين

[دمعة ألم]

يسلمو وردة على الطرح الجميل
ودي

[CoOoL G!rL]

منورة وردة
..

[سفير البصرة]

ابداع ورررده

عاشت ايدج عل كلمات الحلوه

تحياتي....

[مستشار الغرام]

مبدعه ورده
عاشت الايادي
ودي

[CoOoL G!rL]

تدللون ورود
منورين

[sυρєянυмαη]

يسلموووووووووووووووووووو ورد
تحياتي