عيد وزعل...حسبالي تجي وي جيت العيد؟؟

[الشاعر جلال البطاط]

((عيـد وزعـل))

حسبالـي تجـي وي جيت العيـد

ومثل باقـي البشر بالعيـد نتهنه؟

أشوف الناس كل واحد حبيبة وياه

أيـد بأيـد جنهـا أطيـور بالجنة..

بس أنـيّ الوحيد أبين هاي الناس

لا عنـدي ولف لا خـل اشبكَنـه!!

كَلي الياوكت زعـلان أصالح بيك؟

مو كافي الهجـر فـركَاك ذوبنـه!

طبع الناس تتصافـه صباح العيـد

سويهـا فضل واحسبهـا إليّ منة!

تعـال وجم تعـال ولا نفع ويـاك!

يالكَلبـك سمـح وشغيـرك عنـة؟

مشتـاك الكَلب يمك يـريد يـروح

يـون طول الوكت وضلوعي ملنه!

حاضن صورتك ما ضكَت طعم النوم

ويالليل اليمـر كَضيتـة بالـونـه!

وإذا كَلبك صخر ما هزة دمع العين؟

خل طيفك يمـر لحضات اشوفنـه!

عطشان الكَلب من ثغرك انته ارويه

يالشفافـك عسل ما ينشبـع منـة!

اذكـر عشرتـي ومشابـَك الجفيـن

واذكـر كـل حجي عـن ليلة الحنة!

احبـك والعشَك مو بيـدي يبن الناس

وإذا حبـك صبـر مجبور أجـرعنـه!!

*************

مع تحياتي بالعيد السعيد

الشاعـــــــــر

جلال البطاط

غير مبروء ذمة من يقوم بالنقل دون ذكر الاسم

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[وـرـرده فـرنـسـيـه]

والله عاشت ايدك
رووووووووووعة
تسلم وتستاهل التقييم

[دمعة ألم]

عاشت اناملك وردة على ماخطت من ابداع واحساس رائع
دوم الابداع
ودي

[بنفسج]

عااااااااااشت الايادي