قصيدة رسمتك صورة مطبوعه بسواد العين

[وـرـرده فـرنـسـيـه]

السلام عليكم ورحمة الله وبركاتهُ

قصيدة جميلة حبيت اطرحها عليكم شوية حزينة
أتمنى تنال اعجابكم

رسمتك صورة مطبوعة بسواد العين
ومــا غمض اخافــن تنمحي الصــورة
وكتبتك ذكره حلوه مو علة الحيطان
كلبــي لـــذكرتــك ســويتة صـــبورة
وردتك ايـــد تــرفة اتنشف الدمـعات
مــــا ردتك تخلي الدمـــــع نافـــورة
استغليت المــحبة وبـكت كلبي بليــل
وانـــة لكلبك صرت للصبــح ناطــورة
شجرة وانتة طير ابروحي احامي اعليك
ولجل عينك جميع اغصاني مكسورة
شـيفيد الــملك لــو مــا علية حراس
مـــا ينهاب حــدة وينـــهدم ســـورة
مـــا يحيه الــزرع والنــهر عنة ابعيد
بــس تدري الفضل يرجع الناعـــورة
مــا عدد الك وافضالي تــدري اهواي
يــغركنـــك اذا تــحسبـــهن افـضـالي
جنت اول الك وانتـــة باخيـــر الناس
كتلك صيــر اول وانـــة الك تـــالي
كلــت الــكمر عــالي وابد مـا يـــلاح
سويتك كمر وانتـــة الصرت عــالي
شنهو الكلت غـــالي وماكلتك هــاك
انتـة الغالي لــجلك يرخص الــغالي
تعاهدنــة وكـلت للمـــوت مأنــساك
تنسة العشرة ابـد مــا جانت ابــالي
اذا ناسيني انــة لهسة مـا نـاسيك
ولــهسة السوالــف واكـفة اكبــالي
جــنت ويــاك واحد مــا نصير اثنين
مثل ضلي جنت من امشي تبـــرالي
كعدت اكبالي مرة اتغازل انة اوياك
ولكيت اخيال جسمك شابك اخيالي
يالرمشك سهم وحواجبك كالقوس
بــس تخزر علــي تتكطع اوصـالي
ازعلت مني ونفخت بوجهي من امشيت
ونفختـك عــاصـــفة وطـيرت دلالي
عمي انسة المضة وارجع وعوف لفات
يــرحــم بيـك ربــك درحم ابحـــالي
مريض انة اصـبحت والسبب هوة اجفاك
واذا سـالوني اكــلهم هــوة كتـالي

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[مستشار الغرام]

كلام روووووووعة
كلج ذوق يامبدع اختيار رائع
ودي

[soft moon]

روعه عاشت ايدج
كولش حلوه دومج مبدعه

[sυρєянυмαη]

يسلموووووو
تحياتي

[وـرـرده فـرنـسـيـه]

روعه عاشت ايدج
كولش حلوه دومج مبدعه

منورة الموضوع حبي

[جلنار]

يسلمو ورده
دوم الابداع
تحياتي