لا تبــــــــــــــــــــــــــــــــــــــــــتعد

[حمكي]

لا تبتــعـــــد
من تبعد أحس الجمر بجفوني
وأظل أتناك حد يوشلن عيوني


أظل أسـهر وأگول الگمر هو أنته
وأكابر وأحرگ بروحي ولو سكته
يلوموني وملامي بروحــي گابلته
وأگولن ما تخيب بشــوگك ظنوني

حبيبي أنت وضواي ودنيتي ويومي
يا حزني وفرحتي وعيدي وهمومــي
من فرگاك ساتر عظمي بهـــــدومي
نسوا أسمي وما ادري شيســــموني

حرام تعذب گليب أنجـــــــرح بهواك
وغيري بهل البشر متگلي من وافاك
أملني وأظل طـــــــــــول العمر أتناك
ولو أدري بشــــــــــــماتي يلوموني

مشيت وخلفت وسط الگلب بسمار
لا ليلي عرفتـــــه ولا نهاري نهار
بلكي من يحن گلبك تمــــر عالدار
وبعينك تشـــــــوفن حالتي ولوني

تعال أگرب يهل محبوب مو كافي
تظل بعيد واسمك خيط أشـــــفافي
أدري بيك گلبك طيب وصافـــــــي
لچن أهل العذل عنك يبعدونـــــــي

ليغرووك تالي أتظل ترف وحــــدك
ومن تميل ما تلگه الذي يســــندك
تعال وهذا تچـــــوه گليبي اليودك
وأريد الناس من تهل يهنونـــــــي

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[CoOoL G!rL]

كلش كلش حلووووة
تسلم حمكي عاشت ايدك
دومك مبدع
تحياتي

[حمكي]

الله يسلمج ورده
منوره الموضوع
تحياتي الج

[جلنار]

عاشت ايدك ورده
كولش حلوة
دوم الابداع
تحياتي

[اسد الرافدين]

ها حكومي حبيبي سالمين شو اليوم كالبها حزن ؟؟


بس كلك روووعه

[حمكي]

ooخخخخ شنسوي هو العراقين كلهم حزن
منور ورده وانت الروعه عيوني

[HamaDa]

كلش حلو عاشت ايدك ورده
تحياتي

[حمكي]

منور حميد حبيبي
تحياتي الك

[بنفسج]

عااااااااشت الايادي
دوم الابداع
كلش حلوا

[دمعة ألم]

عاشت اناملك الذهبيه على ماخطت من ابداع متميز
واحساس رائع
دمت نجما ساطعا ياغالي في سماء عراق الكل
دمت ودام ابداعك لنا
تقبل مروري البسيط
دمعة ألم