ولك ها يا گـَلب چنك اله اشتاگيت..

[the queen of love]

ولك ها يا گـَلب چنك اله اشتاگيت..


ولك ها يا گـَلب چنك اله اشتاگيت
مليت اني منه وانت مامليت ؟؟

ميحبك يگلبي شبيگ افهم عاد
نساك الي تحبه وانت ابد مــنسيت

ميفكر بعد ميهمه حالك هاذ
ولاتنزل ابد دمعاته مهما ابچيت

لا تهتم ياگلبي وانسه حبه ارجوك
قابل گلبه انته ومني تبريت؟!


اعرفك ذايب وخلصان ميت شوگ
أي بس كابر بعد .. اعرف ولك حنيت

اريدك مثلي مــتبين حزن عيناك
مو هذا اني يمك .. والله هم عانيت

ما اذكر جبرتك .. كافي هذا النوح
انت الجازفت بالحب تره وحبيت

اتحمل نتيجة تعبك المافــــــــاد
وحدك انت وحدك بالجرح ضليت

لاتترجه منه يحبك ويهواك
عافك وحدك وماقدرك من جيت

انسه الصار بيك وخلي اني ارتاح
ياگلبي اتعبت منك تره وجنيت

أموتك حته اخلص ؟ لو اموت شلون؟
أي مو من البچي بدموعي وك غصيت

أغني وچني ماشايل هموم الكون
ليش تصير ضدي وبس حزن غنيت

سويتك صدگ شاعر تحبه الناس
ردتك تنسه بس شو كلشي ماسويت

ضليت بحنانك وبمحبتك ذيچ
بعدك بالحلم عايش فلا فزيت

بعتني وانته گلبي وصرت مثله النوب
تفكر بالنســـــاك وعني اتخليـــــــــت؟؟

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[CoOoL G!rL]

كلش حلوووووووة
يسلمو وردة عاشت الايادي
تحياتي

[HamaDa]

كلش حلو
عاشت الايادي ورده
تحياتي الك

[مـوتـي ولا مـوـت أحسـاسـي]

يسلمووو عيوووني
ولو الموضوع مكرر عالجايات اتأكدي انو مموجود.

[بنفسج]

ضليت بحنانك وبمحبتك ذيچ
بعدك بالحلم عايش فلا فزيت

بعتني وانته گلبي وصرت مثله النوب
تفكر بالنســـــاك وعني اتخليـــــــــت؟؟

اكثر من كلمة روعه
عاااشت الايادي