يا أول عشگ......

[بنفسج]

مايحتاج اخبرك عن هوانه الفات
وشلون ابهوانه الليل ظل يلمع
يالعب الطفوله وضحك الحديثات
اگعد بالگلب وبزودك اتربع
شوگ الروح غافي ابشامة الوجنات
ولسان الخجل بالمستحه امگبع
ياأول عشگ لاتنشد الدمعات
هاك اقره اشكتب من وشـّل المدمع
خط اسمك فرح فوگ النجوم ايبات
يشرب كاس حزني وينتشي ويهجع
وانه اعيون مربوطه ابحبل صفنات
وعيونك بحر ومن البحر اوسع
يامد وجزر مابيـّه للموجات
ولريح الهجر ماظل زند يدفع
حل ليل المحنـّه وحلـّـت الآهات
وخيام الصبر ترجه الگمر يطلع
يامبعد سماي امحمـّـل احچايات
شوگ الروح بيها ايريّع ويشبع
يمدلل زرعتك دايه من دايات
والفلاح يرجه اثمار من يزرع
موبس رايه بيضه الجيتك رايات
بدروب الوفه المانوّرت ارفع
وبمسجد هواك اقرالك الآيات
وسْجد كل مسه ومصباح بي واركع
عذبني الفرح من مر بالولايات
يضحك والشوارع بالجدم ترضع
والحيطان صارت للوجه امرايات
والگاع انتفض شريانها ونبـّـع
وعيون الشماته اتدور الوگعات
ترصد مشيتك وتنيشن ابمدفع
وانه انظر دليلي ابموگد الحسبات
يلهب وبجمر فرگاك يتفرگع
وسفه اهروش عمري الچانن امحملات
ماتن وانxxر ذاك الگبل فرّع
يهلال السعاده اشمال عيدك مات
ولغيم الكدر گبل النجم تخضع
خطيتك اسم ماينمسح هيهات
يتجدد لون بيك الگلب يسمع
مفضوح العشگ واسراره مفضوحات
ماينظم هوه العشرين من يصگع
حيرني الشعر واحتارن الچلمات
لنـّك بالشعر من كل شعر اروع
ظمـّـيت العشگ وسط القصيده ابيات
وتفسـّـر هواك ابأول المطلع
مماراق لي
منقول

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[HamaDa]

كلمااات روعه الف شكر يامبدعه
لاتحرمينا من جديدج المميز
تقلبي مروري وتحياتي

[وـرـرده فـرنـسـيـه]

يسلمووووووو يامبدعة عاشت ايدج
دوووووووم الابداع

[♥ رووعَ ــهْ [بإِحْ ــسآسِيـﮱ♥..]

كلمات لن اجد لمثلها شبيه
حروف..كم هي رائعه وفائقه العفه والجمال
عزيزتي...لكِ مني خالص الشكر واالامتنان
على هذه الحروف الســـآحره

ودمتِ كما انتِ
مميزه بكل شيء

"

[عمار الشاعري]

يسلمو خيتو دوم الابداع والتميز
تحياتي