كـــــــــــون انساك

[مـوتـي ولا مـوـت أحسـاسـي]

باقيلك خيال بطرف رمش العين
كلبي اليحب واحد مايحب اثنين
يل جافيت روحي شغيرك عالروح
عمر ماي الجرف مايغسل الطين
فززت الهموم وكبرت الصفنات
بية جروح كلهة من اثر فركاك
كون انساك
يل طول علية جفاك
احس روحي طفل ماترهم بلياك
كون انساك
يل خليت روحي بنص نفس ومشيت
شمعة الروح صارت وانتة هبت ريح
جا كلي اشبقيت بساعة الهبيت
مثل وركة غصن باخر طرف ظليت
وعلي مر الخريف وماطحت تانيت
عفتني شبيك وحدي والمن امشيت
جامديت جفي وكلي رحت وياك
كون انساك
ياحبة رمل بجدامهة هدت خيل
شتظن من ادور هم الكاك
كون انساك
ياغربت عمر عايش بنص الناس
يادمعة قصيدة انباك منهة احساس
صرت صورة طفل وهدومة تمطر عوز
ردتك جف تجي وتمسح الراس
ياكل المظن والبعدك متيهات
يافوك الدعن والدات ومادات
ثمل بعدك بقيت وصاحبيت الكاس
عفتني شبيك ليش الخلة ماخلاك
كون انساك
صرت عطشان اشوفك وانتة عني بعيد
كل ماشوف مايك اتلهفت لملكاك
كون انساك
يا اترف عشك مربية طيف وراح
حمامة الروح صارت بيد الاطفال
وبالك احسبهة وشوف هم ترتاح
اركض علعطش والجربة تنزف ماي
اسد بيدي النزف لو ارد اشيل الطاح
اكو تلوحة بديك وماتشوفة العين
وكو تشوفة العيون ومايلاح
انة بحرك ظعت ظليت اراوح بيك
تيهت السفينة وماشفت مرساك
كون انساك
ياصفنة الظلمة السكتاهة الليل
ويمتة يرد حمد ونشم روايح هيل
ويمتة الطاح يوكف والجرح ينراف
ولك والله الشماتة تصيح حيل وحيل
انه بهجرك محطة بدون سجة وناس
هم تنفع محطة المايمرهة الريل
ياجرح العمر يل مارضيت اطيب
كتلك من مشيت الروح اخذه وياك
كون انساك
يل طول عليه جفاك
تلكه اعتاب بيه بكبر حد فركاك
كون انساك.

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[دمعة ألم]

عاشت اناملك على ماخطت من ابداع متميز
دوم الابداع وردة
ودي

[مـوتـي ولا مـوـت أحسـاسـي]

منوره عيوني.

[emo love]

يسلمووووووووووووووووووووووو ع الموضوع الرائع دووووووووووووووووووووم الابداع

[مـوتـي ولا مـوـت أحسـاسـي]

مشكور عالمرور

[مستشار الغرام]

عاشت يديكي
بما خطت
من ابداع
دومج مبدعه يا ورده
تحيتي

[مـوتـي ولا مـوـت أحسـاسـي]

هذا من ذوقك عيوني
شكرا ع مرورك.

[عراقيه حلوه]

ررررروعه
عاشت ايدج ورده
ودي

[عنفوان الحب]

عاشت اناملك وابداعاتك دوم التممبز في
سماء عراق الكل
تحياتي

[مـوتـي ولا مـوـت أحسـاسـي]

منووورين الموضوع حبايب
ومشكووورين ع مروركم