ضعيف البخت

[دمعة ألم]

منهو ضعيف البخت الكال منحبكم

واحنه عطاشة ونروم الماي من حبكم
واحنه الزرعنه كلبنه ورود من حبكم
واصبح دليلي كطن بيه الليالي اندفن
وتظل جروح تندي وايندفن
ان جاكم خبر ان المرسل مات واندفن
اعلم تراني متت يازين من حبكم

***********************************

ياصاح گلبي في غرامك تكطع وصل

والحيل مني ركد لحد المفارك وصل
اسئلك بالذي اسرى وعرج عند الاله وصل
ترحمني بمحبتك واحسبه الك زينه
والهدب ياصاحبي بكل الكحل زينه
كالو بالحكم انو العقل زينه
والعگل من هجركم مثل المجمع وصل

**********************************

صاغك الهي ذهب من كل غلط عدلك
وخلا الوفا ياترف من دون الخلك عاد الك
لواشبهك بالكمر مااظن الكمر عادلك
حيث ان القمر قدم عرضة وطلب
يريد من عندك حسن من نور وجهك طلب
لوردت روحي تجي غالي ورخيص الطلب
لوردت شنهي الروح افديها برخص عادي لك

************************************

والخلق هاي السما وبلا عمد شالها
لأعلك عيوني ضوة وضلوعي ممشى لها
ذوبت عزمي وهواهالهمّّّتي شلها
يا ربي كل هالحسن وتريدنا ما نزل؟
والروح خضرة وترانه بحيلنه ما نزل
تدرون ليش الكمر ضل فوكًُ ابد ما نزل؟
عن لا يتيه بليل فاحم لو وكع شالها

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[ورد البنفسج]

حلووووو
يسلمووو ورده
عاشت ايدج
ودي

[دمعة ألم]

ايدج العايشة وردة منورة