غزل بلعراق الحبيب

[دمعة ألم]

صورة وللعراق تعلگت بالدار

خريطه من الذهب بالماس محفورة ..

بس اتحركت وگعن غراض البيت

أثاري البيت كله متچه عالصورة ..

بدروس الوطن حاججني مره استاذ

و گال اكتب عراق و هاك طبشورة ..

اكتبت اسم الوطن چن لوحه للتاريخ

أعد هذا الاسم صاحت الصبورة ..

بس شفت المدرس غلط بالتصحيح

و شفت عال(عين) لوحظ ثاري مأشورة ..

گتله ادري السبب والعله يا استاذ

بخط اسم العراق أمثال مشهورة ..

أريد اكتب عراق بفتحه فوگ ال(عين)

و عيب أكتب عراق بعين مكسورة ..

و أريد أكتب وطن فوگ المسلّة هناااك

و گلگامش يجيه وتنحني اعصوره ..

سور الصين صح اعجاب بالتاريخ

و الاهرام بمصر للآن مأثورة ..

ميساون حرف من بابل وآشور

و منو يشبه عراق بسومر و أوره ..

عجايب بالدهر للناس معروفات

وحده لوحده بالتاريخ مذكورة ..

بس العدنه أعجب حيّر الكون

گبة حيدر الكرار مشهووورة

منقولة

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[مستشار الغرام]

يسلمو ورده
على
الكلمات الروعه
اكثر من روعه

هوه احنه شعدنه غير العراق

عاشت اناملكِ
تحياتي لكِ

[دمعة ألم]

طبعا ماعدنه غيرة
منور وردة