بيني وبين نفسي

**جلنار** · 2010-12-03, 02:37 PM

بين وبين نفسي شكد افكر بيك
واكول شمعنه انت الشاغل ضنوني
مو اول عشك خاطر تشل الحال
ولا اول جمال تشوفك عيوني
شجاها الروح يمك ذبت الاسرار
وليش ارجف عليك وينخطف لوني
حتى الناس كامت تعرف بيا حال
وما اعرف شأكلهم من يسألوني
يدخلون بصفنتي وعنك يدورون
يلكوني افكر بيك يلكوني
وصاحت كلهه صاحت انت بكت فلان
من عندي لكوك وبيك تهموني
تهموني بمحبتك والله لو يدرون
على الضيم العليه جان واسوني
مايدرون عايفني بمهب الريح
وانه وياك عفت المايعوفوني
يحبوني شكثر ولجيتي يتانون
واخجل من كثر ماتانوني
وانت تحبني شلون بالله وياك
امرن بيك وما امر اليحبوني
عفت الي شروني ومن ارد شلون
هم اسوه بعد والنوب يشروني
حبيتك شجاني وماحسبت حساب
خيعونك عليه مو اني خيعوني
تحبني واحبك والمصيبه النوب
اريد انهزم من اليريدوني
من دونك صرت ما اعيش ويه الناس
وانت بكل سعاده تعيش من دوني
بأحزانك اودي دموعي تبجي وياك
وبأفراحك ابد ما تذكر شلوني
من سمعو اهلنه العشك دك الباب
ماخلوك اهلك واهلي خلوني
ماخلوك اهلك حقهم يخافون
بس اهلي لمحبتك شلع باعوني

تـــحــــيـــاتـــــي