قضية وطن

[دمعة ألم]

....:::: قضيـة وطـن ::::...



ما مخلوق بعده المثلك خاطر اهواه
ولا مثلك بعد بالدنيا يتحصـل
ياعراق الخير اسمك والنجم فوكاه
ولا رسمك يذوب بخاطري ويذبل
انته امي وابوية وانته ابو الطيبات
ليش اعليك حال الدنية يتبدل
ماكسرت وجنتك عين التنوح عليك
ولا رجفه اكليبي ابحضرتك تخجل ..؟
وليش اعليك صارت كل مصيبه تطيح
اولا مره اعله ولـدك تغضب وتزعل
يامه الخاطرك دنكت هاي الـروس
وراسك عالي ومايرضـى يتـنزل
ياشعب الي اشافك من تطيح اوراق
بس ساطور حزنك يتعذر وينسـل
وانته شما صحت كلهم يجون عليك
والمايجيلك .. هذا لدينه ماينـدل
يهل شامخ تضل وما تطيح ابيـوم
شما منك بشر طلعت ولك تنـذل
هم شايف اسود تهاب من جرذان
لو شايف سبع من خوفه يتمختل
لوكِلك اجروح ادري بيك تكوم
جي ادري ابحضرتك هالدنيه تتوسل
قضيتنه قضية وطن ماينشره وينباع
بس ضاع الوطن من عدنه وتبهذل
احلف بالائمه وكل انبياء الكون
واحلف بالحسين ابكربله اتسجل
آنـه ابن العراق المـايطيح بيوم
آنـه ابن النخيل ودگة المنجل


آنـه ابن النخيل ودگة المنجل
منقول للكاتب


مصطفى العبيدي ..
20 - 1- 2010

احدث المواضيع:

• اهات غريب
• ولدت في بلد أسمهُ العراق
• سجل حضورك بمحافظة من محافظات العراق
• ~|~بأيد وحده نرسم خارطه العراق~|~
• الشوق يبحر يا عراق
• كم انتة كبير يا عراقي
• (علـّميـهم يـا بـغـداد )
• سر ساعة بغداد
• الكل يسجل حضورة بالمنتدى بـ 3كلمات حلوات (ابقة احبك يا عراق)
• رسالة من ام لابنها في الغربة

[وـرـرده فـرنـسـيـه]

يسلمو وردة عاشت ايدج
كلام رائع
ودي

[دمعة ألم]

منورة وردة
...

[عنفوان الحب]

يسلمو روعة كلش حلو

[دمعة ألم]

منورين ورود