مليت العشك

[الحيدري]

اذا تلوح النجم اكَرب الك يهواي
وكَلبي لا تجيله وتوصل الحدة !!
يالجفك ذبح كَلبي ودفنته أبليل!
تريد بكل جسارة الميت اتكَعدة؟؟
لا تفتح جرح بالكَوة خيطناه !
لو ينزف بعد متكَلي شيظمدة؟؟
لو حسبت جرح صدكَني هم تهون!
جم طعنة غدر بحشاي متوسدة؟؟
الشاعر من تجرحه ابياتة ينزفها!
جرح منك نزف ديوان وتعده!!
ضنيتك مطر واترجة منك فيض!
ما ادري برصاص أغيومك أمرعدة!!
لجلك حاربت أهلي وجميع الناس!
وسيفك للأسف بضلوعي وتحده!!
بابك منفتح للرايح وللجاي!
وانته بكل صلافة بوجهي وتسده!!
يالحبك رمل ودموعي ضاعن بيه!
وبحرك من جمر نيرانه مشتدة؟؟
لتحاول تجي انته البديت بهاي!!
ماي الينجفي متكَلي شيردة؟؟
ماريدك بعد خلي الكَلب يرتاح..
مليت العشَك والروحة والردة!!
مليت العشَك والروحة والردة!!

الحيــــــ ــــــدري

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[دمعة ألم]

عاشت اناملك على ماخطت يامبدع
لا تحرمنا من ابداعك المتميز
تقبل مروري البسيط
دمعة ألم

[حمكي]

تسلم ورده على الموضوع
نتضر كلشي منك حلو
تحياتي الك