اذا گلبك يحـــــــــــبني ؟؟

**الحزين** · 2010-12-31, 10:42 AM

اسمعو هذه المساجله بين شاب وشابه

الشاب.....!
شاب وشبع لوعات وهم طلع شيبه_والفرح عنه بعيد وبلا حبيبه

الشابة....!
طم روحكــ بسرداب والطم لطم ميت_كل ربعكــ مكـبلين بس انته ضليت

الشاب........!
هم ردت اطم الروح,بسردابي كوة_بس شفت فارة وفار بلختله جوة

الشابه......!
تتغازل الفيران وانت التباوع!_مو بس تطم الروح.دكـها بمدافع

الشاب.....!
هم جبت مدفع زين,كلبي ارد اهفة_بس شفت قنبلتين شفه على شفه

الشابه.....!
جانت تعوزكــ هاي ,حب القنابل_ماتكـلي حظكــ ليش وياكــ قافل

الشاب......!
مااريد اهيج جروح خل امشي احسن_وابعد بعيد هناكــ وبروحي احسن

الشابه....!
لا عمي,لا هيهات هاليوم اعوفكــ __خليني امشي وياكــ وافهم ظروفكــ

________________

,,,ينهض الاثنان ويسيران معا,تاركين المجلس,,,

الشاب..........!
بس مشيج وياي مابي دوايه__سلعه ورفضها السوكــ ,كلبي وهوايه

الشابه......!
خافن عليك تروح وتلبسلك حزام__وبواحه العشاكـ اتفجره وتنام

الشاب.......!
مو ذنب اهل الشوكــ ماعندي محبوب__ يجوز بجهرتي عيوب وماانحب فرد نوب

الشابه....!
عمي الزلم اخلاق مو بل مظاهر__ وكلب البنت مفتوح للكلبه طاهر

الشاب....!
كل ظنج الكى كليب يخفكـلي ملكاي__ وبشوفي يفرح دوم ويكلي ياهواي !

الشابه.....!
الكلب بلتشريح تشوفه نصين__نص لمسير الدم ونص للمحبين
وكل احنا عدنا انصاص , هم الها ثاني__ ولابد ينول الحب لكلمن يتاني

الشاب......!
يابه شكثر تانيت وكربت أأيس__وكلبي الخفكــ من جاي البكري ريس
بس والله هم معقول حجي الحجيتيه__اشكلتي لو تبنين كلبي وتسكنيه ؟

الشابه....!
لي هسة ما حسيت ! وكـ اني احبكـ ___ ومن (طلعن الشيبات) وانا اعلى دربكــ
نشدت كلبي اعليكـ ,كال انت حباب ___ بس رادكـ تناغيه حتى افتح الباب .

الشاب...!
وفكرت ب (التفخيخ)وب(طمه السرداب)__ثاري الامر محلول ويه دكه الباب .

كـلبج صدكـــ وياي افديله كـلبي __ وخل تسمع العشاكــ,بس انتي حبي !

الشابه.......!
وبواحه العشاكــ سجل اسمنا ___ نحجز مكان هناكـ والحب يلمنا !