ابوذيات مجموعة من شعراء العراق

[دمعة ألم]

اون وما درة ولفي بهاماي
ويكلب دوم باوراقك بهاماي
عييوني بعد ماعادت بهاماي
خلص يوم الرحت وكصيت بيه

أمير البارودي .. النجف
,,,,,,,,,,,,,,,,,,,,,,,,,,,,
بعدني اوياك اتواصل ولا زال
وحبكم ثابت ابكلبي ولا زال
وحقكم ثابت ابحجي ولا زال
واظل وياك لاخر نفس بيه
محمد علي الركابي.. الديوانيه
,,,,,,,,,,,,,,,,,,,,,,,,,,,,,
كلبي صار الك لعبه واتاريك
وكلبك مايحن مرة وتارك
ظنيتك شخص جاهل وتاريك
امشيطن بالعشك تلعب عليه
مصطفى عبد الكريم /كربلاء
,,,,,,,,,,,,,,,,,,,,,,,,,,,,,,,
يروحي ابراسج امـــــبين شياباج
رجيته ويـــــم غدر وكتي شياباج
انغزيت وخنجر ازماطي شياباج
احدة وبا لا ملاكــــها يخون بيه
عباس طالب /سوك الشيوخ
,,,,,,,,,,,,,,,,,,,,,,,,,,,,,
ابد ماشاف كـــــــلبي ..هالسعادة
الحزن خلص بوكتي ..هسه عادة
جنت عايش مباشر ..هسه اعادة
وكل لقطه حــــــــــزن تنعاد بيه
فرحان عبد السادة البزوني/ ميسان
،،،،،،،،،،،،،،،،،،،،،،،،،،،،،،،،،،
الاهي انكضة لو بالطيف رايين
عليه ولا تضل اخلاف رايين
حلو خوخاته صار اسنيين رايين
نريد انـــــــــــحوشهن ذبلن خطيه

بستان وجمع جسمك شكو فراش
وثمر حسنك طلب مينه شكو فراش
تعال وشوف عندي انه شكو افراش
رسمتك نـــــــــــــــايم وتغطي بيه
أرشد الوتري/ كربلاء
,,,,,,,,,,,,,,,,,,,,,,,,,,,,,
طلع من الصــدر كلبي ولك راح
وزمان الجن هبي نفرح ولك راح
الك نيبان بــيه اتعـــض ولك رح
كلن عظــــــمي ولا كالن خطيه
قاســــــــــــم عزيز / النجف
,,,,,,,,,,,,,,,,,,,,,,,,,,,,,
يدهري شبيك ضيمك صاحباني
ويحط خنجر ابظهر صاحبي اني
اكله انــــــته تهدم صــــاح ابني
ولاجنه هدم بــــــــيتي عليه
زيد سعد الغرباوي /الكوت قضاء الحي
,,,,,,,,,,,,,,,,,,,,,,,,,,,,,,,,,,,
جديدة اهدومي وبعد العوز وانظاف
وعبد للظيف اولــم الزاد وان ظاف
وكابح كل ضعيف النفس وان ضاف
عســـــــــــــــل عالماي تموز الـــيه
نعيم المـــــــــــــوزاني/ ميسان
,,,,,,,,,,,,,,,,,,,,,,,,,,,,,,,,,,,,,
الطيور اتحوم من تفكد وكرهه
تهيد الروح بغيــــــابك وكرهه
أسب ال بالهوه عاض وكرهه
واحن للشوك وايـــــــامه العتيه

كرهت انه الزعل كله والرساله
بسبب مافاد حــــجيي والرساله
مثل حمزه عشـــكتك والرساله
شجابك انته وصرت وحشي عليه
صبار الـــــــــساير /قلعة سكر
,,,,,,,,,,,,,,,,,,,,,,,,,,,,,,,
بعد ما حاجة امر يمهه ملازم
وكتبت اشعار بس الهه ملازم
فلانه اعـــــتقد رتبتهه ملازم
واشــــــك يمكن وزيرة داخليه

حبيبي انه منــــموتن بلسمه ابقه
بسمة اعروش الهدايه بلسمة ابقه
انه من اغتاض قطعا بلسم ابقة
اكوم بحيلي بس انكلب حــــية
علي قحطان المالكي /جامعة البصرة

احدث المواضيع:

• دآآرميـــآآت ~
• مـ,ـكـ,ـتـ,ـبـ,ـة آبـ,ـۅذيـ,ـآتـ,ـ آلـ,ـشـ,ـآعـ,ـر آلـ,ـمـ,ـبـ,ـدعـ,ـ ضيـ,ـآء آلـ,ـمـ,ـيـ,ـآلـ,ـيـ,ـ ..^
• سجل حضورك بأبوذية
• ابوذية كولش حلوة واحبهة
• ابــــــوذيـــات
• ابوذيااات حب وعتاب
• ابوذيات و دارميات منوعة
• مجموعة ابوذيات للشاعر المرحوم عبد الحسين الحفلي
• الاب والابن
• ابوذيات ودارمي

[وـرـرده فـرنـسـيـه]

عاشت ايدج
دموعه روعه
ودي

[دمعة ألم]

ايدج العايشة وردة
منورة

[الوتري..ارشد]

الغالية دمعة الم
تحياتي لك.وشكرا لك على هذه الامانة التي
تحمليها وعلى هذا الذوق الرائع
واناممتن لك على نقلك للابوذيه الخاص بي
ولكن هناك شيء بسيط اود ان تعرفيه
وهو ان قفل الابوذيه(رسمتك نايم ومتغطي بيه)تحياتي لك مرة اخرى وارجو ان تقبلوني صديق لكم
الشاعر ارشد الوتري

[فيلسوف الحب]

عاشت ايدج يا مبدعة على هذه الابو ذيات الروعة

ونتشرف بيك اخوية العزيز نورت المنتدى وانشاء الله اخ وصديق عزيز

تحياتي الكـــــ

[دمعة ألم]

شكرا وردة على المعلومة اهلا وسهلا بيك
منورين

[عـ,ـرآقـ,ـيـ,ـة آلُـ‘ـُكُـ‘ـُلُـ‘ـُ]

عاشت الايادي موضوع رائع وجميل
دوم الابداع
تحيتي