عراقي بكل الاشياء ...............

[دالي العراقية]

اليوم عجبني هذا الشعر وحبيت انقله الكُم

♥

عــــــراقي بـــــكل الاشــــــياء

آني عراقي
واضح في كل الاشياء
وطيب حتى الاستغفال
بكلبي يمين بكلبي يسار بكلبي جنوب بكلبي شمال
في اقصى جنوبيتي عراقي
وفي لكنة كرديتي عراقي
بدوي عراقي .. بغدادي بلف جراويتي
بعكالي ابشتي بجفيتي
بس تنخاني امشمر حاظر تلكاني
تامر عيني وتامر اغاتي
يتوضحلك اني عراقي
اني عراقي .. اول من علمت الناس اتخط الكلمة
واول من غازلت النجمة
واول من رطبت النسمة
واول دمعة واول بسمة
ولكل ظلمة ان اول شمعة وشمس انطلقت من بيتي
بابل انه .. سومر انه .. من اور انه .. الوركاء انه ولكش وكيش
ومختومة بكلهن جنسيتي
انه عراقي اول من خط الاديان
املك جامع للقران واملك اديرة ورهبان
وكنائس عندي وصلبان اني عراقي ..
لتعربني وتستغربني هذا يماني وهذا حجازي
وهذا الكردي وهذا العربي وهذا المسلم هذا المسيحي
وهذا السني وهذا الشيعي
ما اسمحلك ان تنسبني غير الاصل الشعب الراقي انه عراقي
انه عراقي .. الله كلم موسى بارضي
وارسى سفينة نوح بارضي
ادم صلى لربة بارضي
هود بارضي وشيت بارضي
واكرمني بستة معصومين ..
ومن دم حيدر ثورية ارضي وجف
عباس ودم حسين
اني عراقي
النعمان اتربه بارضي والكيلاني من اربات ارضي
واوراق العالم ما تكفي
وما تستوعب ارثي الباقي
ويكفيني افخر
امام كل السنة عراقي
ومرجع كل الشيعة عراقي
وبابا الفاتيكان عراقي
مو حقي افخر انه اصل الانسان الراقي
اني عراقي


تحياتي واحترامي

احدث المواضيع:

• اهات غريب
• ولدت في بلد أسمهُ العراق
• سجل حضورك بمحافظة من محافظات العراق
• ~|~بأيد وحده نرسم خارطه العراق~|~
• الشوق يبحر يا عراق
• كم انتة كبير يا عراقي
• (علـّميـهم يـا بـغـداد )
• سر ساعة بغداد
• الكل يسجل حضورة بالمنتدى بـ 3كلمات حلوات (ابقة احبك يا عراق)
• رسالة من ام لابنها في الغربة

[وـرـرده فـرنـسـيـه]

عاااااااااااااااااااشت ايدج
رووووووووووووعه وربي
وربي

[دالي العراقية]

شكرا الج حبي منورة موضوعي

[دمعة ألم]

موضوع جميل وشعر رائع
دوم الابداع وردة
ودي

[دالي العراقية]

شكرا الج منورة موضوعي

[الحرف العنيد]

عاشت ايدج كلش حلو

روعه
الف شكر الج ياورده