مشكلة الوطن ما بية شعب مرتاح...

[دالي العراقية]

مشكله الوطن مابي شعب مرتاح


السلام عليكم ورحمة الله وبركاته


مشكله الوطن مابي شعب مرتاح

ومشكله الشعب مايكدر يعوفه


احبك يا وطن لو بيك الف جلاد
وحبك لو جرح كتال ما اروفه


حبك نار بيه واشتعل بالنار
وانه ابنار حبك روحي ملهوفه



تطيب جروح غيرك ياعراق الخير
وانت جروح كلبك لسه مكشوفه



حرامات الوطن ينزف مهج وارواح
وبي قبه علي والوادم تشوفه


وعاين على الفرات شسوه بي عباس
شك روحه النهر وانتحرت جروفه



عدنا من الشجاعه امثال تلوه امثال
كلها ابشيمه العباس موصوفه


وعدنا اول مضيف معزب الخطار
دك ساسه الحسن من جود معروفه


وياحاتم زمانك والشعب جوعان
خاطر ماكسر فد يوم لضيوفه


يبو عيون الشهل خليني اسولف بيك
واحجيلك عليه شلون سالوفه


عشكتك بالزغر من طحت فوك الكاع
روحي من الطفوله وياك مشغوفه



حبيتك رغم كل الجروح البيك
وقبلت الجفوف الباست اجفوفه


روحي ابحضرتك طافت على الشباج
يا اجمل ضريح الوادم اطوفه


واحلفك يا وطن تمسح دموع الناس
خطيه دموع شعبك تضل مذروفه

وشكرا الكم واشوية ضفت تأليفات من عندي وانشاءالله تعجبكم

احدث المواضيع:

• اهات غريب
• ولدت في بلد أسمهُ العراق
• سجل حضورك بمحافظة من محافظات العراق
• ~|~بأيد وحده نرسم خارطه العراق~|~
• الشوق يبحر يا عراق
• كم انتة كبير يا عراقي
• (علـّميـهم يـا بـغـداد )
• سر ساعة بغداد
• الكل يسجل حضورة بالمنتدى بـ 3كلمات حلوات (ابقة احبك يا عراق)
• رسالة من ام لابنها في الغربة

[وـرـرده فـرنـسـيـه]

عاااااااااااشت ايدج
وربي
ررررررروعه

[دمعة ألم]

روووووووووووووعة
دوم الابداع وردة
ودي

[عشقت السفر من ضلم البشر]

عاشت ايدج على هذا الشعر الروعة تحياتي الج

[دالي العراقية]

شكرا الكم منورين موضوعي