( لا تــــعــــــتــــب بــــــــعـــــــد )

**عراقيه حلوه** · 2011-05-27, 10:02 PM

( لا تعتب بعد )

لاتعتب بعد مالك جذر بالروح
لان دربك طويل ومنذبح سكته

وانا گد مامشيت ودوريت عليك
طلع شيب بخطوتي شلون ماشفته؟

اگلب بالفكر واعرف طريقك تاه
كل غايب رجع بس ما رجعت انته

ادور بالحلم طيف ليبيع اسنين
حتى اشري السنين المن گبل عشته

وشل دمعي منك وين الاگي ادموع
خليت الصور تبچيلكم وكته

بعد صوتك دگلي منين اجيب الصوت
نغم فيروز صوتك هيه بايگته

وابلتك انت لئيتك بتغير كل حياتي
ام كلثوم هاي اعليك غنتّه

گظيت اسنيني اغني بليل المتيهين
واعرف ما ترد بس ما گلته بعته

يل بايگ سوالف بيه وعدك چان
لوعفتك تأكد گلبي چفنته

عله اوراق الاشجار بأيده خط اعهود
ماحسبت باچر توگع أورقته

وعلى ابوابي شفت شايب يدگ الباب
هذا آنه الذي بكل حيل جاوبته

ولكن ما عرفته وشكله موش اغريب
انا جروحك كبرت وشايب لجبته

عبر وكت المعاتب تهنه بين اثنين
لو يمته ترد لو هم ترد يمته

تعال وخل اشبگك شبگة المجنون
لعاش بلايه هم وما دره بعلته

تعال ومستحاتي وياك عشگ الباب
العشگ چف الحبيب وينتظر دگته

ونطرتك ع الگناطر حتى لو مريت
اخذ گلبي ذاك المن گبل بگته

واتاني شكد بقيت بشيبي طگ الراس
الاخرس ميحچي بس تنسمع ونته

صوت الموت اسمعه بحچي لحديثات
حچي الماتحبه من الحلگ شلته

خظر دمعي صوره وچان وجهك بي
مو ذاك النعرفه الفرگه ذابحته

لاتعبت بعد شخصي لتعرفه انساه
مونفسه الغشيم الي گبل خنته