قصيدة خضير هادي * سوار انا من ذهب *

[حمكي]

قصيدة خضير هادي * سوار انا من ذهب *

سوار انا .. من ذهب
معدني معدن ذهب
ياما اشتروني ورجعوني
ورجعوا عليه وما لكوني
سوار انا من ذهب
واعرف قيمتي
لكن من هالناس يعرف قيمتي
امريه كبيرة الي اشترتني
لفتني باقماش وخفتني
حسيت ساعتها اسجنتني
ابصندوقها الي مليان حاجات احفظتني
وبس الظلام ويانه ايبات
ودعيت ان تحتاج مره
صارت العشره وياها مره
واحتاجت وجت طلعتني
صارلها مدة امفاركتني
وباعتني للناس الباعوني
اويه الاساور علكوني
ومر بي شاب وياه ابنية
اختاروني هم اجمل هدية
هو اشتراني الها هيه
وانه اشكره وصاها بيه
سوار انا من ذهب
امعصم الشعر الذهب
ياما غفيت ابين ايديها
ومن تحزن انا احزن عليها
وادعيت ان تبقى اليه
وايموت هو بلكي ايموت هو
وتبقى هيه
وشاء القدر ان يرحل الشاب
وابقى اني ذكرى من الاحباب
اتغطيني ملهوفة ابشعره
واتضمني ياناس لصدره
ساعة تلفني بين الاضلوع
وساعات تمسح بيه الدموع
ادموعها نار .. نار احركني
نزلن على خدودي وجوني
ولليوم مافرطت بيه
واني اظل اهواها هيه
ومن احتاج افي يوم البلد
اتبرعت بيه للبلد
رد الذهب للذهب
سوار انا ... من ذهب ..

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[عـ,ـرآقـ,ـيـ,ـة آلُـ‘ـُكُـ‘ـُلُـ‘ـُ]

عاشت ايدك وردة كلش حلوووة
تحيااااااااااتي

[اميرة الاحساس]

وشاء القدر ان يرحل الشاب
وابقى اني ذكرى من الاحباب
اتغطيني ملهوفة ابشعره
واتضمني ياناس لصدره
ساعة تلفني بين الاضلوع
وساعات تمسح بيه الدموع>>>روووووووووووعه تسلم الايادي