ماكول احبك اني ميت بيك
لأن هذا الورد منّك اخذ عطره
لأن بيك الگلب متعلّگ و مجنون
لأن گلبي يدگ من اسمك يمرّه
لأن عشگي إلك مو عشگ ليله و يوم
الله الخلق حبك بيّه بالفطرة
بگليبي ولدت و كبرت و حلويت
بگليبي زرعتك من چنت بذره
سگيتك عاطفة و حب و دلال هواي
تانيتك تخظّر و اصبحت ثمرة
يا أجمل أثماري و يا حصاد النيط
من طيفك يمرني الگلب شيصبره
ياخذني عله بيتك گلبي يا محبوب
و آنه ارگد و اغلّس و اخظع لأمره
أعاين عله ابّيتك و احظن الشباچ
أتاني الصبح يطلع و أبقى انتظره
هلبت نظره منك تجبر المكسور
هلبت تنجلي الآهات و ألحسره
هلبت بوسه من خدودك الترفات
تهيد برجفة الدلّال و أتخدره
يا حلو الملامح يا ترف يا زين
يابو خدود الگماري الدوم متنورة
يا أجمل قصيدة و يا شعر منظوم
و يا أجمل رواية عشگ بيهه اقره
يا تاج الحِسن و انت أجمل الحلوين
يا شمس الظهاري و بالمسا گمره
يا دجلة بشفافك .. شفّتي مشحوف
خلّي بدجلتك مشحوفي اله ذكره
دخل أمواج دجلة تحرك المشحوف
خلّه بدجلتك يغرگ .. دخل يبره
دخلي سنين عمري تخضّر بملگاك
خل يفرح گليبي ألما فرح عمره
ما احچي و اوصّف طولك المهيوب
و لا اوصّف ألشامه البلحنچ خطره
و لا اگولن خدودك چنهه تفاحات
بس اسألهه أمك هيه بيك أدره
أمك لمه طلگت بيك صرخت حيل
ما صرخت وجع لكنهه مبتشره
تعديت بجمالك حسن (ابن يعگوب)
و ما أظن آنه (يوسف) يوصل لعُشره
جمالك داهية و يسحن سحن بالروح
جمالك ظيم خلّه الوادم بحسره
جمالك مو طبيعي .. و ما اگول أهواك
آنه اعشگ تراب جدامك ألسمره
آنه اعشگ الگاع ألشالتك يهواي
و اسكر بالدرب لجدامك تمرّه
آنه اعشگ جمالك ضحكتك ممشاك
و اعشگ بيتك و شباچك و عطره
آنه اعشگ عذابك قسوتك و جفاك
و احبك لو صرت جوه الضلع جمره
احبك و اشتعل من راسي للرجلين
و صابيعي شمع اعلگلك العشرة
احدث المواضيع:
رد مع اقتباس
عضــ هستوة طالع من الباكيت ــو
.gif){kind=icon}
ماكول احبك اني ميت بيك
رد: ماكول احبك اني ميت بيك
ضوابط المشاركة