( في يوم عيد ميلادها لابد أن أغني ..! )

[•-IvI€®ôO-•¹]

صبح ريحانْ
وأغنية هلاهلْ
تطير الروح
ومندهشة البلابلْ
تغريدَةْ دلال
وطول ناحلْ
يِمِسْ عقلي جنون
وحبْ يِعايِلْ
مثل موكب سلام
وملكْ بابلْ
وجه بَسْ نور
شَعْ ضَيَّه علَى ساحلْ
حِسِنْهَا خانْگه الثوبْ
رذاذ وضوة يْخاتلْ
شْگد بيهَا الجمال
يصيح يا... أوُفْ
شجرَة برتقالَة
محَمَلَة زْلوفْ
رِجَفْ حيلي بْحَلاها
حلمْ ويْطوفْ
طَرّزْ عَ المخدَة
شوگْ مَلهوفْ
ياخوخْ الصدرْ
وليمونْ مَلفوفْ
مثل شمعْ العَسلْ
ويْموعْ بِچْفوفْ
وَنَّسْ صَفْنِتي
وليل البرد خوفْ
بِشفافي تِذوبْ
حرورَة حروفْ
چكْليتَه لذيذَة
ودوخَةْ سيوفْ
يَا رجفَةْ عِشِگْ
يا حلمْ ناعِسْ
رَشْرَشْني ضِِواهَا
حلوُ الواهِسْ
نغمْ قيثارَة
وسْوالِفْ تِشاکِسْ
وألمْلِمْ من حَلاها..
ورد مارسْ ،
وكِحِلْ جنْحْ الفراشَة
والمحابِسْ
جِفَلْ درب الدفو
وليل العَرايِسْ
بوساتْ إمْتِلَتْ روحي ..
بنشيدْ النسوَّة والنونْ
شميسَة الغَناوي..
وأنًا المَمْنونْ
يَمْ طول الحلو
ويا ضَيْ العيون
يا رگصَةْ وَلَّـهْ
يا فرحْ وفنون
صَحَى عندي الگلب
وَلْهانْ.. وجْنونْ
باچرْ موسِمْ الريعانْ..
مَفْتونْ
ونِگْطِفْ تينَةْ البستانْ ،
ويِحْلوُنْ..
فجر دنيا
ولعباتْ اشكالْ
مَليانْ الوِجِهْ
ضِحْكاتْ أطفالْ
شْگدْ دَهْشَة حِضورْ
وبالزعَلْ مَوالْ
عِذوبَة مْنَشْنِشَة وْحُبْهَا بهيج
وانَا الغرگانْ
هيَّ اشواگ كِلهَا
وموج طوفانْ
نهر شوگ ومودَة
ولِسَه عطشانْ..
تِسواهَنْ حَبيبَة..
وصبحْ ريحانْ

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[عـ,ـرآقـ,ـيـ,ـة آلُـ‘ـُكُـ‘ـُلُـ‘ـُ]

ممممممممممممم
اللة صح السااانك صدك شااااااااااعر
مع احتراماتي الك واحلى تقيم الك وللموضوع
تحياااتي

[•-IvI€®ôO-•¹]

يسلمووووو ورده انتي الاحله شي اكيد ههههههههه
منووووره شكرا على المرووور الرائع

[عـ,ـرآقـ,ـيـ,ـة آلُـ‘ـُكُـ‘ـُلُـ‘ـُ]

ههههههه العفو عيني

[ۅرډة فـޢޢـرنـޢޢـسـޢޢـآ]

عاشت الايادي الي كتبتهة كلمات احلة واغلى من الذهب
مشكور عيني

[•-IvI€®ôO-•¹]

يسلمووو عاشت ايامج كله سعاده ورده انتي الذهب
ورده شكرا على مرورج الجميل تحياتي الج