ماعوفك چذب ..

*** الوتر الحساس *** · 2012-02-24, 02:56 PM

ماعوفك چذب ..
والگالك چذاب ..
ولا تگدر حبيبي بيوم ..
تنساني ..
من تضحك ..
تردك ضحكتك للشوگ ..
ومن تحزن ..
تشوف ابعينك احزاني ..
اسرارك ابگلبي ..
وما بحت فد يوم ..
ولا گدروا عليه ..
وباگوا الساني ..
ضميتك جرح ..
واتچه علــ الاحاه ..
وامكابر ضحكت ..
اگبال عدواني ..
من تيهت روحي ورادوا يدورون ..
اجو يمك ..
لأنك انت عنواني ..
فرغت سلتي ..
وماظل اليه متاع ..
ما حنيت .. وانته ابوسط بستاني ..
حاطتني السيوف .. ويمي صار الموت ..
وانت ابعيد گاعد ..
گلي شمتاني ؟؟