غير انساك غير أكـَدر

**•-IvI€®ôO-•¹** · 2012-02-24, 03:09 PM

غير اكمـّل حياتي بغيرك اتصور

غير انزع محبتك واطوي كل ذكراك

وعن بابك اكظ الجدم واتصبر

غير امنع الطيف اليدكـَ باب العين

حته الزم اعيوني اعله الشخص لو مر

غير امسح الذكرى البيهه روحي اتذوب

حته اتكـَلي اريدك واكـَدر اتعذر

غير اعله اليشبهك ما احن واشتاكـَ

حته اني منشوفك عيب اتبسمر

غير انساك غير اكـَدر

غير اصحه الصبح ما احلم برؤياك

حته ايمر ضحه وما اكـَد اتنطر

غير انساك ليلة وعيني تغمض يوم

وسواليفك وطيفك يمي ما يسهر

غير عطرك عطرك عن ثنايا الروح

حته اقنع بغيرك وارضه واتعطر

غير انساك غير أكـَدر

متلبس بروحي شلون انزعك ليش

ياهو العاف روحه وعنهه يتنكر

**ۅرډة فـޢޢـرنـޢޢـسـޢޢـآ** · 2012-02-24, 03:14 PM

عاشت الايادي ذوووووووق
تخبل كولش حلوة
مشكور

**•-IvI€®ôO-•¹** · 2012-02-24, 03:24 PM

انتي الذوق وعاشت ايامج بالسعاده والخير يارب
تسلمين على مروورج الحلووو والجميل

**دموع المطر** · 2012-02-27, 03:01 PM

رووووووووووووعة
دوم الابداع

**عشقت السفر من ضلم البشر** · 2012-02-27, 03:14 PM

عاشت الايادي كلش حلوووة وذوق تحياتي.

الموضوع: غير انساك غير أكـَدر