أليا دعتني ديرتي.....وين ماكون

**عشقت السفر من ضلم البشر** · 2012-02-28, 11:11 AM

أليا دعتني.. ديرتي.. وين ماكون
بديت دعوتها....على كل بادي
قبل الوطن ينده عياله .. يلبون
حي الندا .. والله وحي المنادي
نفضت كل اللي بالأدراج مركون
حزني .. شقايه .. كبريائي عنادي
ونبشت حب في حناياي مخزون
ولقيت بيت عن هل الشعر غادي
كل حب أرادي من تهاون به يهون
إلا مدى حب الوطن لا إرادي
وش منوة الشعار يوم يتمنون ..؟؟
يكود فرصة من منبر غير عادي
يعني مثل هالمنبر اللي تشوفون
هذي هي القمة وغاية مرادي
بجنادرية موطني .. يشرق الكون
معلم حضاري .. عن حياة البوادي
موسم ثقافة ملتقى فكر .. وفنون
قامت تجيه .. الناس من كل وادي
ماجيت ابيكم في قصيدي تحيون
جيت ابرحب كل ضيف ببلادي .......