خلص عشكنه

[HamaDa]

من كال بفراكك تصب دمعتي
خلص عشكنه وانتهت قصتي
****
ياكاس خمرة هواي منة رشفت
نسيانك اقرب من وصل شفتي
****

ماعذبت كلبي بهواك وذبت
ماعشت بيك ولاصرت دنيتي
****
انه اللزمت النجم بجفوف ادي
شوف اعلى خدة تلكه اثر بصمتي
****
مو لجل عينك من اون وانتحب
هذا انا طبعي عاشكـ لونتي
****
ماباقي الك يمي فقط بس جرح
والا انت كلك ماتطب ذمتي
****
انة انذكر بالخير وبكل وكت
عطرالمجالس تنذكر سيرتي
****
ديرة محبه بكلبي والحب ورد
الغيم يعطش يرتوي بضحكتي
****
وين انت بيه تعيش وبيا كتر
جذاب جدمك ماسحك ديرتي
****
هذا انا رافع راسي حد النجم
من عزة الكمرة استمدعزتي
****
صح اعثرت بهواك مو عن قصد
صدفة وعثرتك ماتذل عثرتي
****
حتى من اطيحن بيك واكف اضل
شماردت تصعد ماتصل هامتي
****
مو عالي طبعك حتى امدلك ادي
حاويك كلك وانملت سلتي
****
خل تهب ريحك شوفني بيا وضع
جم ريح هبت ماطفت شمعتي
****
دربك مشيته وجان دربك سهل
تلكه على طولك باقي اثرخطوتي
****
تغلط واسامح وارد بيك انصدم
جم دوب اعوفك تستسغل طيبتي
****
شماحاولت دربك جزيته وخلص
متوهم انت ومنتظر رجعتي

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[ۅرډة فـޢޢـرنـޢޢـسـޢޢـآ]

عاش الذوق حمادة
كولش حلو
مشكور عيني

[HamaDa]

نورتي بمرورج الحلو ياورده ^^

[عشقت السفر من ضلم البشر]

عاشت ايدك حمادة كلش حلووو تحياتي............

[•-IvI€®ôO-•¹]

عاشت ايدك ورده وعاش ذوقك الجميل تحياتي الك حبيب كلبي حماده