ضميتك دمع خايف عليك اطيح

ظميتك دمع خايف عليك أطيح
كَلت بأي ظرف لا ما أذبنك
بس مره طرحتك لجن مو عالكَاع
على جفوفي جنت من تبجي أحضننك
ومن شفتك بروحي وصرنه عين بعين
أحسنك طحت من كَلت أحبنك
--------------------------------------------
من طبعي من أشوفك لازم أبجي عليك
ونته تكَلي أسكت حته أحضننك
شلون أسكت وشوفك ونته دمع العين
أذاً أبجيك لازم حته أشوفنك
--------------------------------------------
وي دمي أنه أحسك تجري بالشريان
ومرخوص ويدمي بكيفك أتوزع
فرق واحد لكَيته بدمي كله وياك
أكَلك بيه تقنع وله ماتقنع
تدري أنته ويدمي الكَلبي لو طبيت
يرد دمي الوريده ونته ماترجع

احدث المواضيع: