ممحصل انا اي شي بس الهويه
واحد يكول بعتوها او واحد يكول ارهابيه
او واحد يكول صرتوا عدنا هوايه ويريد يسد بابه عليه
اتمنيت اكعد من النوم والكه واحد مثل زايد عليه
ويكولي هاك حصتك من النفطات روح تونس شويه
واتمنيت نرجع للعراق اليوم وأسد حدودي عليه
واكول ممنوع دخول الاردني والسوري والمصري وولد اليهوديه
وممنوع دخول كل جنسيه عجمية وعربيه
وألكه شعبي فرحان وبغداد كلها مضويه
ولا شيعي ولاسني ولاكتل على الهويه
واشيل الحكومه كلها والعن ابو الطائفيه
واحطهم بجدر حامي واسويهم هريسه للحسينيه
ونبني مول جبير بصف نادي الهنديه
واضوي العرصات وتنظفها البلديه
ويرجع ابو نؤاس والجادريه
والكرادة وزيونه والحارثيه
واسوي ملعب جبير من الثورة للحريه
وابنص دجلة برج جبير على عناد الخليجيه
واسوي نافورة طويله اطول من نافورة جده بالسعوديه
ويرجع كل عراقي باوربا وامريكا وبالدول العربيه
وترجع بغداد حلوة على عناد ايران والدول العربيه
بس مو كلها تريدوها هسه هاي بسنه 2100
__,_._,___
احدث المواضيع:
عضــ مستعـمل ــــو
.gif){kind=icon}
شعر شعبي عراقي خطير
رد: شعر شعبي عراقي خطير
ضوابط المشاركة
رد مع اقتباس