(نهاية حُب)

[مريومه العراقيه]

الشاعر حسين النجفي وحده جان يحبها فخانته وغدرته ويه غير واحد






شوف شكتب :





روووووووووعه الشعر العراقي :




اخليكم ويه القصيدة :








(نهاية حُب)


حبيتك صدك معقوله ما حسّيت
وآنه الجنت اظنّك تدري وتحبني
طلع كلبك اناني ويه أني أنغرّيت
ما وفّه لمحَبتي وبالعجل ذبني
وحيد بلا حبيب ولا عشك ضلّيت
شجره بلايه ميّ ولا شمس جنّي
صلب مثل الجبل بالشدّه منهزّيت
بس بُعدك عليه بهالوكت هزني
حيّرني الزمان وبيك أنه أحتاريت
وجن بيك الزمن رايد يعذبني
نطرت محبّتَك والها شكثر تانيت
ولحظات العشك وياك ونستني
جنت ليّه الاهل انت وجنتلي البيت
وبس انت الجنت بالدنيا عاجبني
وجنت انت التذوّب قلبي لو عدّيت
وأطيحن لو عيونك مرّه تنظرني
جم مرّه الوكت يجرحني متأذيت
بس زعلك عليه الجان يألمني
بشر غيرك أبد بكليبي ما حطيّت
وكل واحد بعد بالدنيا ما همني
جنت بعيني ليلى وجنت الي جوليت
وجنت آنه قيس وروميو بذنّي
وصرت كبالي عبله ووالله لو مرّيت
اصيرن عنتره وابن امه اليكظني
شجاك تغيّّّّّّّّّّرت وبروحي ما خلّيت
بس حسره ودمع وجروح أذتني
وشجاك تغيّرت صدكني ما ظنيت
تنساني بسهوله وتبتعد عني
أشتريت محبّتك بالغالي كلّي شلون
فلس ونص محبتك هسه باعتني
يا ذنب الجنيته وكلي انه شسويت
حتى انت بعذابي لوحدي تتركني
قلبك هذا قلبك لو حجر سجيل
حالك والله والعباس صفنّي
جنت آنه الحبيب الما يزيحه الكون
واحد هسّه زاحه شلون فهمني
تمشي كبالي تضحك منشرح وياه
ما عندك قصد كل قصدك تغثني
مو صوجك ابد لا بيه كل الصوج
قلبي بهالمواقف هوّه اليحطني
صح آنه انجرح بس الجرح استاذ
قاسي بشرحه لكن درسه علمني
تعلمت ابقى صادق بالعشك للدوم
ومنه اصنع تجارب خبره تكسبني
روح خطيه انت ولا تظن بيوم
تعرف شنهو حُب وتمسي متهنّي
ما تكدر تحب تايه تظل حيران
وقلبك ما يدك فد يوم صدكنّي
وما تعرف بعد محبوب مثل حسين
واذا واحد يصح لك مثلي عاتبني
خمس سنين احبك تالي هذا الصار
طول المده وانت بحبي خادعني
آنه اتكنّسلت هذا الغشيم شلون
اذا ما عفته بعد اسبوع خابرني




الله يا حسين النجفي
ابــــداع والله

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[نونه البزونه]

مشكوره حبي روعه روعه
روعه
تسلم ايدج

[مريومه العراقيه]

تدللين حياتي وشكرا على مرورج الرائع
منوررررررررررررررررررررره

[L•َِOَِ•Y•َِUَِ•S]

عاشت الايادي

[مريومه العراقيه]

تسلم وشكرا على مرورك الرائع
منوررررررررررررررررررررررررررررر