الى كل طالب جديد للجامعه مصطلحات تفيدك !!

[نونه البزونه]

اشلونهم الحلوييييييين


يابه جبتلكم موضوع مفيد للطلاب الي يجون جدد للجامعه


بعض المصطلحات الي تلكاها بالجامعه


اذا متعرفهن اقره الفاتحه من هسه لتصير بيك هههههه


حاته تصنيع عسكري - يعني بنيه طامه وجهها بالمكياج وكلشي بيها اصطناعي بالحقيقه فاول


طاش طشه - فلان من الناس وين مكان بيه بنات تلكاه بيه ونصهن عنده ارقامهن


قايش - مجموعه من الاشخاص ينصبون على صاحبهم يسموه نفر قايش على فلان


خلي نجكه ابره لو نحطله مغذي - اذا مثلا عندك كروب بيه بنات وولد وأكو واحد حاشر نفسه بنصكم جديد حاول تطلعه بره الكروب بطريقه سلميه اسمهه جكة ابره


أرنب - هذا المصطلح من واحد يفيك عليك كله اريد جزرايه اذا كلك ليش كله شنو شايف ارنب كدامك دتقشمره بهالحجي


كروب الإعاقه - هذا الكروب تلكه الناس بيه معقدين نفسيا وبس يقرون وخشمهم يابس


كروب قاسم ابو الكص - هذا اختصاصه كص بالناس وحجي زايد


نفرتيتي - هاي للبنيه الي متحجي ويه الولد عود هي تستحي طبعا جذب وين متشوف ولد تضل تباوع عليه ومتحجي الا نادرا


دروب ابو اللكو - هاي نكولها للي كل يوم جايبلي سياره ويفرفر من يمنه بيها


يله شباب حفظوها زين ههههه

احدث المواضيع:

• قصيدة التخرج
• أستاذ عراقي بجامعة بابل ضمن أهم خمسة علماء في الكيمياء عالميا"
• الجامعه العراقيه\كلية الاداب
• سوالف البنات بالكليه ويه الولد ؟؟؟؟؟؟؟
• عرفونا بأنفسكم
• شعر طلاب الجامعة من يضربون الكبل مالتة بوري
• كل واحد خلي يحجيلنا شلون جان اول يوم اله بدوام
• تعرف على شخصيتك من خلال الكليه التي تدرس بها(ارجو التثبيت)
• مناقشه الزي الموحد
• نتائج القبول المركزي لجميع محافضات العراق لسنة 2010 - 2011 برابط تحميل مباشر

[مريومه العراقيه]

ههه عاشت ايدج ورده على الموضوع
تسلمين تحياتي الج

[نونه البزونه]

مشكوره حبي
على المرور
منوره

[AbO RiShA]

مشكووووره ورده عاشت الايادي