خلــــــــــــــص العتــــــــــــــــــــب

[نونه البزونه]

خلص وكت العتب خلصت كلشي وياك
وكافي أحنة الحقيقة نسكت عليهة
كًَظيناهة بـچـذب بس ليش
نمشي اعلة الـچذب ماندري تاليهة
نهبوك بصباحك وانت تعرف زين
اذن باليل سلتك كلشي مابيهة
عليش افتحت بابك لجل ياهو الـچـان
سد بابك عليهم لا تخليهة
ايدك شبعتهم من اجاهم عّوز
ويا ايد اللوتهم انت لاويهة
ومن شافوك مايل مااجو شالوك
صاروا بالعكس صعدوا علة متونك
ويجوك انوب وگفة بس شماتة وياك
يواصوك اعلة ضيمك لو حـچـوا عنك
لأن عالي الاصل يردون جوة اتصير
وراد اعلى يصير العمرة ظل دونك
لونك جبتة ابيض وانت ابن شهور
ويردون السواد يصير وك لونك
گوم اصحة اعلة حالك شوف بيك اشصار
لا تبقة اعلة نومك هيـچ متعافي
وشد احزام ظهرك خل نرد الراح
ومبدء خل الك لم الصلب كافي
بخوتك لا تئمن حتى لو حبوك
وتبقة انت اعلة وكتك ياوطن غافي
ظاگت بس حزن اشفافي من اسنين
يمتة الفرح مرة يدگ علة اشفافي
يوسف خوتة كومة والنتيجة شلون
خانو بيه من اول الفرصة وانت
شتنتظر ياهو التريدة وياك
تخلي ايدك بديهم وتشمر العصة
كلهم طمع بيك وچـذب لو حبوك
وكلهة اتريد منك ياوطن حصة

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[دلع المنصور]

عاشت الايادي الحلوة تسلميلي

[مريومه العراقيه]

روعه روعه روعه وذووووق
كلام كله صحيح وصادق
تسلمين حياتي على الشعر الرائع
دائما تبهرينه بكل شي جديد عندج
تحياتي الحاره الج يامبدعه

[نونه البزونه]

مشكورين حبايب
على المرور
منورين