قصيدة جميلة بعنوان (إبدأ من جديـــد) بالشعر الشعبي ..... روعة

[نونه البزونه]

إبدأ من جديد.......

لا تبجي اعله عمرك والعوض بالجاي
شوف الدنيا هاي شبيها مابيها
كبلك هم بجيت وأيست مرات
بس شفت الدمع ميفيد تاليها
المرن بيك كلهن هم اجن وياي
ونيران البكلبي ابدمعي اطفيها
انه هواي البكلبي وياما شفت هموم
وبعض من السوالف خايف احجيها
عوف الماضي والله وداعتك ميفيد
شكثر كبلك بجوا والحزن غاطيها!
وافتج باب كلبك للجديد وعيش
وادموعك لوكت العازه خليها
ميلوك البجي لعيونك الحلوات
وحرامات الدموع الانته تبجيها
يل ما جربت بالدنيا مره اتعيش
وجبت عمرك حزن وهموم كاضيها
تعال وياي اورجك وانته عاين زين
وانثرلك همومي وانته ساويها
مخازن جوه كلبي من الهموم اشكال
واكابر على همومي ابضحكه اغطيها
اطلع وامشي واضحك واليصير يصير
واذا خايف الناس الناس شعليها؟
ابدأ من جديد وسوي كلشي تريد
حياتك انته حر اشلون تبنيها
ولا يهمك حجي ولا تاخذ اللي يكول
عوف الروح تختار اللي يرضيها
القسه وي روحه ظالم وانته ابو الاحساس
معقوله القساوه البيك خافيها

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[مريومه العراقيه]

اعلم دائما انه عندما اطل على همساتك اجد دائما عندك الجديد
دمت للابداع عنوان وسلمت اناملك وانتظر جديدك دائما
تقبل مرورى بين روعة سطورك تحياتي حبي

[نونه البزونه]

منورررره حبيبي
وشكرا على مرورج