الى التي اكملت نصف دينها بقتلي

[نونه البزونه]

كل ساعة انذبح من عرست لليوم
وكل ساعة انسحك بجدام تذكارك
بعد ما كفرتني بديني المن جاي
تقرالي وترتل سورة اعذارك
وكع وكت البرد وادفه بيك الغير
وما الحك بعد واستانس بنارك
يالمثل النخل شامخ شجاك شبيك
خليت الغريب يلوذ باكتارك
مرات النخل من ينصعد ينباك
وانت بيوم عرسك كلي شخبارك
صدك تمرك خلص لمن اجاك الليل
وصدك سعفك خدر وانطيت جمارك
دليته اعله روحك ما تعب وياك
ما دور عليك وداخ فجارك
احجيلي بعد بهالغيبة كلي شصار
واحجيلك اسراري وبيه نتشارك
لان تدري كبل كلي اني اصير اضماد
اذا شريان صوتك ينزف اسرارك
صغت روحي جرف حد ما حضنتك ماي
اوبقه لاخر نفس بالروح تيارك
يا اعذب نهر تعله اعله جرفك ليش
تره الناعور غشك لمن اختارك
واعرفك فكرت ظنك تلوح الغيم
دشوف لوين وصلت روحة افكارك
ذنبك امنت من شالك الناعور
ورد اردود بيك وعالجرف دارك
وما دامك اجيت وتنشد اعله الحال
بعيونك تعال وشوف اثارك
كل ساعة انذبح من عرست لليوم
وكل ساعة انسحك بجدام تذكارك

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[مريومه العراقيه]

عاشت ايدج حياتي على القصيده الروعه
ذووووووووق تسلمين عمري
تحياتي الج حياتي

[نونه البزونه]

منوره حبي شكرا على مرورج

[L•َِOَِ•Y•َِUَِ•S]

روعه روعه روعه
تسلم ايدج ورده
تحياتي

[نونه البزونه]

منور ورده شكرا على مرورك العطر