الفرق بين الطالب الامريكي والطالب العراقي.....

[~_PunK_~]

الفرق بين الطالب العراقي والطالب الامريكي :

1_الطالب الامريكي يصحى الصبح يبوس ماما ويفطر ويحضر الكتب ويطلع للشارع ينتضر الباص الاصفر يوصل حتى ينقله للمدرسه
-اما الطالب العراقي امه تصحي الساعه بالسته الصبح اول شي يسوي يروح للسياره لا عبالكم يروح بيها للمدرسه لا لا يسحب بانزين منها للمولد وبعدين يروح يجيب ريوك وطبعا ما يتريك لان انسدت نفسه من وره البانزين ويطلع يدكه مشي للمدرسه

2_الطالب الامريكي يصل المدرسه ويدخل الصف تستقبله المدرسه وشلونها ما يزيد عمرها عن 25 سنه وبعدين يدخل لدرس التغذيه عبالك عدهم روضه هههههههه(يا عيني) وبعدين يخلص الدوام ويطلع بالباب مال مدرسه ينتظر الباص الاصفر حتى يرجعه للبيت
-اما الطالب العراقي يوصل المدرسه متاخر يدخل الدرس الثاني درس الفيزياء وشلون مدرس عدهم ولا سن باقي بحلكه يعني ما بي راشدي وطبعا شايل العوده ويسالهم على التحضير والطالب العراقي طبعا ما محضر فيلقي المحاضره ويعاقبهو وبالفرصه يتكامش الطالب العراقي مع زميله المهم قبل ما يخلص الدوام الدرس الرابع يطلع من السياج ويروح للبيت

3_الطالب الامريكي يرجع للبيت يبوس ماما وبابا وياكل لكمه وينام والعصر يصحى وياخذ مصروفه من بابا وياخذ سيارته الكشف ويطلع يفتر هو وصديقاته(خطيه ضايجين) ومن يرجع يتعشى ويقره شويه وينام مبكرا
-اما الطالب العراقي فيرجع للبيت يلكه امه ما مسويه غده ياخذ خمسميه ويروح لابو الفلافل(شلون فلافل نظيفه حيل)
وبالصدفه يلكه الوالد نايم وبصفه سويج السياره يخمطه ويطلع بالسياره يفرفر ويصجم بالبنات وبعدين وحده تنطي الرقم يتصل اول رنه ويكولوله(ان رصيد حسابك لا يكفي لاجراء هذه المكالمه................)
وبعدين يروح يشتري كارت طبعا من جزدان ابوه ويرجع للبيت يلكه ابوه كالب الدنيا عليه وطبعا الوالده ما مسويه عشه وياخذله شكم كفخه48: وينام ايضا مبكرا الساعه بالثنتين


تحـــــــــــــــــــــــياتي

احدث المواضيع:

• نتائج الثالث 2013
• نتائج الوزاري الدور الثالث 2012 .نتائج السادس الاعدادي الدور الثالث 2012
• نتائج الامتحانات الوزارية الدور الثالث .. للصف السادس بفرعيه و الصف الثالث متوسط .
• نتائج السادس الاعدادي والثالث متوسط الدور الثاني 2012 لجميع المحافظات
• نتائج امتحانات الصف السادس الدور الثاني الاعدادي الفرع العلمي والادبي والصف الثالث 2012-2013
• نتائج السادس اعدادي العلمي و الادبي للعام الدراسي 2011/2012 لجميع المحافضات
• عن قرب اعلان النتائج الوزارية وموقع جدا مهم
• نصيحة لطلاب الثانوية العامة الراغبين بمجموع عالي
• آلُـ‘ـُإنُـ‘ـُصُـ‘ـُآتُـ‘ـُ .. مُـ‘ـُهـُ‘ـُآرة مُـ‘ـُفُـ‘ـُقُـ‘ـُۅډة لُـ‘ـُډى آلُـ‘ـُتُـ‘ـُلُـ‘ـُآمُـ‘ـُيُـ‘ـُڏ !!
• اذا صارت الاعداديات مختلطة شيصير بالولد ؟؟؟؟؟

[ساروو]

هههههههههه
مشكوووور
تحيااتي الك

[مريومه العراقيه]

هههههههه صدك اكو فرق كبيرررررررررر
شكرا على الموضوع الرائع ورده تحياتي الك عيوني

[دلع المنصور]

هههههههههههههههههههههه
يسلموووووووووووو
ههههههههههههههه حلوة كلش