السياسه .. عباس جيجان

[L•َِOَِ•Y•َِUَِ•S]

يكولون السياسة فنون
كلما تنقفل لازم تفكلك باب
بس احنا سياستنا ذبح ارهاب
من الباب للمحراب
فضائيات عدنا بكد عواء الذيب
وطاحولك علينا ببين طيب وطاب
وتيارات عدنا بكد نفوس الصين
ومن كثر الكصب والبردي عدنا احزاب
ياهو الي تلزمه يكول انا الزين
وغيري محيل وجذاب
باعوه الوطن تفصيخ بالمزاد
حمل شيل بغير حساب
وهو مو مال ابوهم حتى ما يبيعوه
كل الي اجوه اغراب
والكردي اخويه طالب رايد استقلال
وحق ابن الجنوب يريدله طلاب
وابن بغداد عايش بس على التفخيخ
والتفجير يذبح ركبة الطلاب
ما عاد اسمك يا عراق عراق
يسمونك بلد ارهاب
ما يرضى علي سنة عمر تنعاف
ولا شيعة علي ينكرها ابن خطاب
من الله خلقنا بها الوطن خوان
سنه وشيعه فرد كتاب
ما اكلك تصاهر هذا حجي اليوم
بس دقق علينا وراجع الانساب
كلنا من ظهر واحد نسل عدنان لو قحطان
ودين اهلي سمح ومشرع الابواب
سوونا ... طوايف ناس تاكل ناس
وسووها ... شريعة غاب
مو هذه ثقافتنا وحق الله
هذه فكرة .... الاجناب
اصحو يا عراقيين كافي النوم
مو باطول نخلكم حطب الحطاب
باعوكم زمر من حيث لا تدرون
وانتو على النوايب لافين نكاب

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[مريومه العراقيه]

عاشت ايدك ورده روعه وذوووق تحياتي

[نونه البزونه]

كلمات تنبض بأحاسيس متمكنه
ابدعت في نسج معزوفتك الراقية
اسعدنى واطربنى التواجد هنا
لك شكرى وكل تحياتى بالعطر

[L•َِOَِ•Y•َِUَِ•S]

منورين عيوني
واشكركم عالمرور الاكثر من رائع
تحياتي