حوار بين حبيبين بعنوان !!طفت كل الشموع

[L•َِOَِ•Y•َِUَِ•S]

هو / أنا وروحي .. وعذابي .. وحيرتي متانين ..
ما بين الأمل .. والياس .. والفرگه
لا مريتي بيه .. ولا اجيتي بطيف ..
بس الذكريات .. ولهفة الملگه ..
مرات احترگ .. حد ما اذوب .. انهار ..
وانتي بنص ثلج .. ما مرتچ حرگه …..
هي / لا حبيبي .. وتدري آنه اهواك ..
ذوبني القهر .. والروح محترگه ..
من يمرني اسمك .. اشتعل بركان ..
تره وداعت عيونك .. مثلي ما تلگه
هو / وأنا .. أبْعد المسافه .. وساعه من اشتاگ ..
اوصي الهوى البابچ .. من يجي يدگه ..
اعتب .. وانقهر .. واحچي بصلافة وياچ ..
بس معذور گلبي .. يطالب ابحگه ..
اريدچ ذيچ انتي .. وما تهزچ ريح ..
واريدن صبرچ ايطوّل بعد خلگه ..
هي / آنه اصبر لحبك .. مثل صبر النوگ ..
ولو كل العمر .. بالصبر خلصته ..
لأن آني احبك .. تدري حد الموت ..
وغيرك ..
لاتظن الروح عاشگته ..
صديقاتي حسدني ..
وخوفي آني عليك ..
شافن حبي الك ..
بالروح شايلته ..
وحچيتلهن عليك ..
اتباهى بيك هواي ..
گلتلهن حبيبي ..
من الله طالبته ..
وبچيت وفاجئتهن ..
وانگلبت ادموع ..
وسألني وگلت ..
يومين ما شفته ..


هو / وآنه البارحة ..
إبآخر نفس بالليل ..
سهران اويه همي ..
وما نمت ليلي ..
اجيتي اگبال عيني ..
وگمت افكر بيچ ..
واحس اهموم شوگج ..
هدمن حيلي ..
ها .. نامت .. بعدها ..
اشلون تگضي الليل ..
هي اهواي من الليل تشكيلي ..

هي / احچيلي حبيبي ..
وگول لي اشما صار ..
لتضم شي عليَّ ..
ابداعتي احچيلي
هو / شحچيلج ..؟
أنه ويه الليل صرنا اصحاب ..
اغنيله ابهمومي ابسلطنه عشاگ ..
وبطور السهر يگعد يغنيلي ..
وشحچيلج ..
طفت كل الشموع ..
وذابت ويه الليل ..
بس شمعة خيالچ .. بقت تضويلي ..
هي / بس متحبني أكثر مني ..
آنه اهواك ..
ورسمك ..
ما يروح ابلحظه عن عيني ..
شاغلني ابمنامي ..
ابصحوتي ..
ابممشاي ..
كل عمري صرت ..
وايامي .. واسنيني ..
حلمانة ابخيالك ..
واحچي سكته وياك
خليني .. بحلامي وياك خليني..

احدث المواضيع:

• تعلمت من الحياة !
• شكر وتقدير
• فــــقــــر الــقــلــــوب
• كــرهـت التصنع ورسم الابتسامات
• مُدّي يَدُكِ ..!!
• أميرةُ النساءِ ..!!
• الحياة
• أحبـــــها ....وحنيني يزداد لــــها...
• أنثى بكل المقاييس.!!..!!
• !!!!!!!!عن الفراق ضيم وقهر!!!!!!!!!!

[مريومه العراقيه]

مبدع بكل معنى الكلمه تسلم ياورده
تحيااااتي الك

[L•َِOَِ•Y•َِUَِ•S]

تسلــــمين ورده
وشكرا عالمرور

[سفير البصرة]

يسلمووو عل موضوع الحلو
تحياتي...