لان بستك حبيبي تزعل وياي

**مريومه العراقيه** · 2008-11-17, 09:11 PM

لان بستك حبيبي تزاعلت وياي
اسف موكتلك ما اكررهه

لو ادريك تزعل ماابوس شفاك
احسبهه على هالمرة عبرهه

معذور انه صدك لن جنت عطشان
وامطارك حلم بالكو تقطرهه

شفت كبالي زمزم وارتايت ارتاح
ومنهه انه شربت لحظات اذكرهه

حسيت الكسوف بكلبي صار بساع
وبعيني الشمس مكسور خاطرهه

وبضهري احس ذنوب ماتنشال
هاي ذنوب يمك بلكي تغفرهه

احس انه احس اعيوني بس كلمات
تكتبلك شعر هو انت شاعرهه

احس ضلوعي صارت بيه جن سيوف
هاك ضلوعي كلهه كبالي كسرهه

بيدك انت روحي وانه اريد الروح
خلي ايدك بدييه وروحي فجرهه

هيه اصلا الك اخذهه يمك دوم
سامحني والك هالروح انذرهه

غيبوبه وخذت مني الوعي بلحظات
وبوسة تحولت غيبوبتي اعذرهه

شمرتني اعله شفتك ميت بلاروح
غيبوبه وصغيره شبيك دعذرهه

اخذ مني التريده واعتذرلك جاي
هاي جروحي يله بملحك احفرهه

هاي عيوني يمك واني كلي اهنااا
وانذار اصفر انطي الروح انذرهه

احدث المواضيع:

**L•َِOَِ•Y•َِUَِ•S** · 2008-11-17, 09:29 PM

يبوووووووووووووووووووو
روعه روعه روعه
سلمت يداك وعاش القلم
الذي كاد يذوب بين اناملك
سيدتي
:23

**Golden Girl** · 2008-11-17, 10:10 PM

عاشت الايادي على الكلمات الحلوة
تحياتي...

**مريومه العراقيه** · 2008-11-17, 10:13 PM

جميل أنكم هنا
بين أسطري وكلماتي
لونتم كلماتي بألوانكم المميزة
وعطرتم صفحتي بعطركم

أشكركم من القلب

**Metal_Hero** · 2008-11-17, 10:18 PM

وبضهري احس ذنوب ماتنشال
هاي ذنوب يمك بلكي تغفرهه
*********
شمرتني اعله شفتك ميت بلاروح
غيبوبه وصغيره شبيك دعذرهه

اخذ مني التريده واعتذرلك جاي
هاي جروحي يله بملحك احفرهه

عاشت ايدج وردة
تخبل القصيدة

42:

**مريومه العراقيه** · 2008-11-17, 10:37 PM

ها انت هنا تتواجد
وتنثر احسايك برقة
وكأنك ترسم الورد لي
وتشعل الشمع لتنير الصفحة
أشكرك من اللقب

الموضوع: لان بستك حبيبي تزعل وياي

أدوات الموضوع

لان بستك حبيبي تزعل وياي

احدث المواضيع:

ضوابط المشاركة