عـــــــــرس بغــــــــــداد

[مريومه العراقيه]

رضينه الإحتلال بحجة التحرير
وشعلنه شموعنه وبغداد شعلوها

أنهضمنه..ومارضينه الإحتلال يفوت
وفوگ المارضينه السرف مشوها

دعوني البارحة بحفلة عرس بغداد
دموع من الوطن للوطن دفعوها

وطن عّريس وعزوبية أمريكان
وبطايق زفته بالهمر ودوها

وگعدت لوحدي بشارع يصيح الغوث
وجه وبگصته اللچمات طبعوها

وجابوهه وأجت بس اشأجت بغداد
حته عيونهه من اللطم شلعوها

أجت بدلة عرسها البيضه دم و نار

النذال من الصدر للچعب شگوها

وبدل شدة ورد جابت بديهه دموع
ومن من ايدهه من الشعر جروها

ماچنهه بعرس چنهه بحفل تشييع
عالدبابه تمشي الحلوه جابوها

شفقات وخوذ من كل فصيله ولون
تنطيهم زلم وگبور ينطوها

فضوا چم بكاره بساحة التحرير
وقضية ساحة التحرير فضوها

وأجه العريّس محني وعمره ست آلاف
چي تنزف حضاره عيونه شدوها

گعد مكسور خاطر والظهر مكسور
من شاف العلم ساريته كسروها

يعاين عالحفل شو كلهه غربه الناس!
أجت وادم غرب والعرف طشوها

بس بغداد أجته وعرفته من بعيد
حضنهه وحضنته والدنيه بچوها

وحجتله شلون شعلوا بالمخيم نار
من سلبوا خدرهه وصاحوا أخذوها

شلون مسلبه يودونهه لتكساس
بس مو عالهزل عالدرع ودوها

شلون مچتفه وشلون عدهه أيتام
شلون الحسره تطلع من يشتموها

لطم وجهه العراق وصاح بغداد باگوها

ونزفت عينه دم ومن بچه شافوه
باصابع من رصاص عيونه طفوها

وخذوه جثه وبقت بغداد بس تصيح
مبارك بس حلقته وياي خلوها

وجابوا حلقه بس مو ذهب من حبال
صعدوا عالمنصه وبيهه شنقوها
صعدوا عالمنصه وبيهه شنقوها

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[L•َِOَِ•Y•َِUَِ•S]

[مريومه العراقيه]

ها انت هنا تتواجد

وتنثر احساسك برقة
وكأنك ترسم الورد لي
وتشعل الشمع لتنير الصفحة
أشكرك من القلب

[نونه البزونه]

ابدعـــتِ فيمـا كتبــتِ
سلمت اناملك على هالطرح الرائع
لك ارق التحايا
///

[مريومه العراقيه]

لشعور رائع ان نكون تحت قطرات حروفكِ الجميله التي تنزل من السماء وكآنها

حبات اللؤلؤ يتناثر على الارض بمنتهى الروعه والجمال .
شكرآ على مروركِ العطر
لكِ خالص تحياتي