أبوذيات على ذوقي ادخل واندعيلي

[sniperx]

أبوذيات عاجبتني

بفراكك جمر أبجي ونيران
يالوجهك يشع رحمه ونيران
تمنيت العراق أنته وأنا ايران
وحدودك دوم فاتحهن عليه

نشأة المالكي

خنتي وكلتي مو آنه بل انتي
ومو طركاعه بيه انتي بلا انتي(أبتلاء)
الوكت صفر ألج ضدي بلنتي
شجاج؟أنتي و زرفتي الكول بيه

نشأة المالكي

أكوم اجلالا لحسنك و أقف لك
وأسجل كلبي يا خلي وقف لك
وأحطك بي وأقفلنه و أقفلك
و أطب بصدري وأقفلكم عليه

نائل مظفر

العتب عل الكتب هالدستور عل السن
بوطنه زعلت الضحكات عل السن
علاسه والشعب معلوس علسا
وقفلته وانعلس قفل الابوذيه

عبدالحسين الحلفي

أشفنه من عمرنه؟ شفتهمنه
وهمنه كبال عينك شفته همنه؟
ذبحنه وفوك ذبحه شف تهمنه (شوف أتهمنه)
يكلهم بالذبح تعبوني ايديه

عبدالحسين الحلفي

يدنيا وياي بعد وبعد جدي
وعلي صيحي بعالي الصوت جدي
هجمتي بيت أبوي وبيت جدي
وانا بلابيت شتهدمين اليه

عبدالحسين الحلفي

أحباب الروح كلبو فرد كلبه
و وكتنه بلون وسط الليل كلبه
دفعني وانكلبت شلون كلبه
وسحكني ومن عثر ظل يسب بيه

عبدالحسين الحلفي

تغض النظر من شفتك وصحتك
ردت بس أعرف احوالك وصحتك
اظنك رافكت غيري وصح تك
إلك ونسيت السنين السويه

شاعر ما أعرفه

عسل و بحلكي و كتي مر جعلكم
ومرجعكم إلكلبي ومرجعه الكم
صرت آيه بهواكم مرجع الكم
خذيتو منين فتوى وخنتو بيه

عبدالحسين الحلفي

عذرونه عل التقصير
وأنشالله تكون عجبكم

واشوفكم ورا الأمتحانان لأن آنه بنصها

احدث المواضيع:

• جم موت اجة
• بغداد -حي أور
• ماكو شي اكدر اكتبه
• اريد اذبح عشك ما وفه اوياي
• جنـت متعذب بحــبك
• قصيدة عن العراق بقلمي يارب تعجبكم .... تحياتي للاعضاء ...
• شعر شعبي عراقي خطير
• صدكَـ مليت مني
• حبيتك صدك
• وصف حبيبتي ـــ...

[L•َِOَِ•Y•َِUَِ•S]

عااااااشت الايادي
ننتظر جديدك ورده
تقبل مروري وتحياتي

[مريومه العراقيه]

عاشت الايادي روووووعه وذووووق
ننتظر كل جديد وحلو منك ورده تحياتي

[@@Staunch توفي @@]

يسلمووووووووو ياورده
تحياتي الك

[sυρєянυмαη]

يسلمووووووو
تحياتي