شرح مبسط للعين

[Surgery]

السلام عليكم
راح اسويلكم شرح جدا بسيط عن العين او حساة النظر
واتمنى ان تستفادون من هذا الشرح

طبعا في البداية اكو كلمات مهمة لازم تعرفوها

1. lens العدسة
   
2. optic nerve العصب البصري
   
3. retina الشبكية
   
4. pupil البؤبؤ
   
5. cornea القرنية
   
6. iris القزحية

طبعا لو نجي ندرس العين وعملية الابصار وخل نتخايل العين هي عبارة عن كامرة وبيها وضعين .. الوضع الاول ( 1 ) هو لمن تكون مفتوحة .. والوضع الثاني ( 2 ) حينما تكون مغلقة , فأكيد لمن تكون مغقله راح نشوف كل شئ مضلم ( اسود ) ولمن تكون مفتوحة راح نشوف الصور والحركات والالوان.


نجي هسة نشرح شلون اتم عملية الابصار ( شلون نباوع )

كل الاشياء من حولنا تعكس ضوء .. مثلا اي شئ هسة من حولكم شاشة الكومبيوتر ، التلفون , كلاص المي .. كلهاي الامور هي مضيئة وضوئها ينعكس الى العدسة ( lens ) ويمر الضوء المنعكس من خلال العدسة الى نسيج يسمى بالشبكية ( retina ) ... وللعلم نسيج الشبكية هو عبارة عن خلايا عصبية ( nerve cells ) طبعا هاي الخلايا شكلها يكون خطوط او على شكل قصبات وهاي هي مهمتها ترجمة الضوء ( optic nerve ) الى اشارات بصرية للدماغ ولهذا مرات تشوفون عينكم بيها خطوط حمرة او حمار نتيجة الى ضوء قوي صاير على عيونكم

وهسة راح ارسملكم صورة توضيحية للعين وراح اخذها سكنر




حلوة الصورة مو ههههههههههه

نرجع الى عملية الابصار وانتقال الضوء للعين

لمن انتو تباوعون على اي شئ من حولكم فاول شئ يحدث هو انه الضوء يمر من خلال الخلاف الخارجي او السطحي وهو اسمه cornea القرنية حينها البؤبؤ pupil يكبر ويصغر حسب حجم الضوء الي يدخل للعين والبؤبؤ هو الدائرة السودة الصغيرة الي بالعين وما اقصد الجزء الملون,, واما عملية التغير بحجم البؤبؤ فهي تحدث عن طريق عضلات موجودة في الــ iris وهو ال القزحية ويكون دائما ملون في العين مثلا اسود او جوزي او اخضر او ازرق وهذا يحتوي عضلات مهمتها تغير حجم البؤبؤ حسب كمية الضوء القادم للعين فاذا كان الضوء كافي فتكون البؤبؤ صغيرة واذا كان الضوء قليل مثلا في غرفة ظلمة فتقوم العضلات فتح البؤبؤ اكبر وهاي العملية علمود تحمي العدسة.



اليوم اكتفي لهذا الحد من الشرح
وان شاء الله انزللكم شرح بعض امراض العين في الموضوع القادم

تحياتي
surgery
Dec 20,2008

احدث المواضيع:

• لماذا نهانا النبي (ص) عن النفخ في الطعام
• رجيم الأيام الخمسة .. أفضل طريقة للتخلص من الوزن الزائد
• لماذا لا يضحك الإنسان عندما يدغدغ نفسه..؟؟؟
• الكاكاو يحسن وظيفة العضلات
• شرب القهوة غير مرتبط بالأمراض المزمنة
• فيتامين (أ) قد يساعد على تقليل خطر الإصابة بسرطان الجلد (الميلانوما)
• فوائد الأعشاب ألطبية مهم
• دراسة : تناول كميات زائدة من الطعام قد يضاعف خطر الإصابة بضعف الذاكرة
• تضخم القلب مشكلة يجب الانتباه لها
• استخدام اثنين من مضادات الصفائح الدموية يقلل من خطر عودة السكتة الدماغية

[Golden Girl]

عاشت ايدك وردة على الموضوع الحلوووو والمعلومات المفيدة
ننتظر منك كل جديد ومميز
تحياتي..

[Surgery]

عاشت ايدك وردة على الموضوع الحلوووو والمعلومات المفيدة
ننتظر منك كل جديد ومميز
تحياتي..

شكرا مولاتي على المرور

تحياتي لكِ

[AbO RiShA]

مشكووووور ورده بارك الله بيك

[العميد نهاد العراقي]

مشكوور حبي
على المعلومه و الشرح الرائع
بارك الله بيك
تحياتي
العميد نهاد العراقي